 Guðmundur Ingi Gunnlaugsson sveitarstjóri í Grundarfirði varð sigurvegari prófkjörs sjálfstæðismanna í Rangárþingi ytra sem fram fór á laugardaginn. Guðmundur Ingi mun því leiða lista sjálfstæðismanna fyrir kosningarnar 29. maí. Hann er þarna að fara á fornar slóðir, en áður en hann gerðist sveitarstjóri í Grundarfirði var hann sveitarstjóri á Hellu. Guðmundur Ingi stefndi að þessu markmiði, en eins og fram kom í spjalli við hann í Skessuhorni fyrir skömmu var hann ákveðinn í að gefa ekki kost á sér áfram í starf sveitarstjóra í Grundarfirði eftir kosningarnar í lok maí.
|
