medium

large

thumbnail

1536x1536

small

custom-size

Handbók um siðareglur ráðherra gefin út

Slökkvilið landsins sinntu 683 útköllum á fyrsta ársfjórðungi 2024

Hleðslugarður Orku náttúrunnar við Digranesgötu í Borgarnesi

Skagamenn komnir upp við vegg í körfunni

Snæfell tapaði í leik eitt gegn Tindastól

2048x2048

Magnús 60 ára í dag

core/freeform

Fyrir skömmu var kynnt áfangaskýrsla um hugsanlega framtíðarsýn íþróttasvæðisins á Jaðarsbökkum á Akranesi. Skýrslan er unnin af starfshópi sem skipaður var til að fjalla um uppbyggingu Jaðarsbakkasvæðisins. Kynningarfundinn sátu fulltrúar bæjarráðs, skóla- og frístundaráðs og skóla- og frístundasviðs Akraneskaupstaðar.

Starfshópurinn hafði það hlutverk að framkvæma þarfagreiningu vegna fyrirhugaðrar uppbyggingar svæðisins og leggja fram tillögur í samráði við hagsmunaaðila. Einnig að gera tillögur um áfangaskiptingu framkvæmda. Fyrstu drög að hugsanlegri framtíðaruppbyggingu á Jaðarsbökkum fara hér á eftir.

Nýbygging rísi milli Akraneshallar og íþróttahússins á Jaðarsbökkum. Þar verði kjallari með aðstöðu fyrir starfsfólk og íþróttakennara, auk búningsklefa. Á jarðhæð verði byggt nýtt íþróttahús. Þar sem núverandi íþróttahús á Jaðarsbökkum er staðsett er lagt til að reist verði sundhöll með átta brautum ásamt stoðrýmum. Jafnvel eru hugmyndir uppi um að nýta grindina úr núverandi íþróttahúsið í burðarvirki fyrir reiðhöll á Æðarodda.

Að lokum er lagt til að öll mannvirkin verði samtengd og einn inngangur verði að öllu íþróttasvæðinu.

Einnig hefur komið fram tillaga um að loka Innnesvegi milli Grundaskóla og Jaðarsbakka til að tryggja öryggi barna og nýta svæðið betur, að því er fram kemur á vef Akraneskaupstaðar.

Hugsanleg framtíðarásýnd Jaðarsbakka kynnt á Akranesi