medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Lögreglan á Vesturlandi hefur nú stöðvað innheimtu bílastæðagjalda við Hraunfossa í Borgarfirði. „Það er ákvörðun lögreglustjórans á Vesturlandi að verða við beiðni Vegagerðarinnar,“ segir í tilkynningu frá embættinu. „Þá telur lögreglustjóri að aðstæður séu til þess fallnar að skapa verulega hættu við þjóðveginn svo ekki verði við unað,“ en þar er vísað til þess að byrjað var að stöðva bíla á þjóðveginum, jafnvel hópferðabíla, og gestir látnir ganga þaðan yfir þjóðveginn og að fossunum. Meðfylgjandi mynd sýnir einmitt hvar búið var að stöðva eina rútuna og hleypa út tugum ferðamanna.

Í tilkynningu sem lögreglan var nú að senda frá sér rétt í þessu segir að gjaldtaka á vegum einkaaðila hafi farið fram á vegi að Hraunfossum og Barnafossi í Hvíta í Borgarfirði en fossarnir eru friðlýstir sem náttúruvætti, sbr. auglýsing nr. 410/1987 sem gefin var út í menntamálaráðuneytinu 2. september 1987 og birt í B deild Stjórnartíðinda. „Vegagerðin hefur komið því á framfæri við lögreglu, að vegur innan friðlýsta svæðisins sé skráður í vegaskrá skv. 1. mgr. 7. gr. vegalaga nr. 80/2007, beri númerið 522-01 og sé tengivegur skv. b-lið 2. mgr. 8. gr. vegalaga. Vegagerðin vísar til þess að þjóðvegir séu opnir almennri umferð skv. 1. mgr. 8. gr. vegalaga og að Vegagerðin, sem veghaldari umrædds vegar skv. 13. gr. vegalaga, hafi ekki veitt heimild til gjaldtöku fyrir notkun á þessum vegi.“

Samkvæmt tilkynningu lögreglu segir jafnframt að Vegagerðin vísi til þess að gjaldtaka, án heimildar skv. 17. gr. vegalaga, fyrir notkun vegarins feli í sér óleyfilega hindrun á umferð um þjóðveg. „Vegagerðin hefur farið þess á leit að lögreglan gefi þeim sem standa fyrir slíkri gjaldtöku af vegfarendum fyrirmæli um að láta af þeirri háttsemi og framfylgi þeim fyrirmælum. Samkvæmt 1. mgr. 59. gr. vegalaga varða brot á lögunum og reglugerðum, sem settar verða samkvæmt þeim, sektum nema þyngri refsing liggi við samkvæmt öðrum lögum.“

Lögregla hefur stöðvað meintar ólögmætar innheimtuaðgerðir við Hraunfossa