medium

large

thumbnail

1536x1536

2048x2048

small

custom-size

Rekstrarniðurstaða Hvalfjarðarsveitar jákvæð um 500 milljónir á síðasta ári

Katrín í framboði til forseta

Ræddu skipulag á Jaðarsbökkum

Fjölmennt á íbúafundi vegna skólamála í Varmalandi

Lögreglan fræddi Lions konur um netöryggi

Sagnamaðurinn Einar

core/freeform

Sigmundur Davíð Gunnlaugsson fyrrverandi formaður Framsóknarflokksins og oddviti flokksins í Norðausturkjördæmi hefur sagt sig úr Framsóknarflokknum og tilkynnir á heimasíðu sinni að hann vinni ásamt öðrum að stofnun nýs flokks sem bjóða mun fram í kosningunum eftir fimm vikur. Þar með galopnast staðan fyrir Framsóknarmenn í Norðausturkjördæmi sem koma saman á kjördæmaþingi í dag. Ljóst er að Sigmundur Davíð sá sína sæng upp reidda og hefur ekki talið að hann myndi ná árangri þar, líkt og hann gerði í aðdraganda kosningar 2016 þegar hann hlaut 75% atvæða í forystusætið. Eftir kosningar hefur Sigmundur Davíð einangrast innan flokksins og mætt illa til þingstarfa. Það sættir flokksfólk sig ekki við.

Eins og fram kom í fréttum í gær hefur einn nánasti stuðingsmaður Sigmundar Davíðs; Björn Ingi Hrafnsson fjölmiðlaútgefandi, pantað lénið samvinnuflokkurinn.is og var þá ljóst að til tíðinda myndi draga innan skamms.

Í langri færslu á heimsíðu sinni í dag skrifar Sigmundur Davíð meðal annars um þá aðför sem hann telur hafa verið gegn sér: „Þegar skyndilega var svo boðað til kosninga breyttust fyrri áætlanir og ljóst varð að nauðsynlegt væri að einhenda sér í kosningaundirbúning. Hópur flokksmanna leit hins vegar á kosningarnar sem enn eitt tækifærið til að ljúka því verki sem lagt var upp með á síðasta flokksþingi,“ segir Sigmundur og vísar þar til þess þegar hann tapaði formannskosningu gegn Sigurði Inga Jóhannssyni. „Þá þegar var hafist handa við að hrekja í burtu oddvitana í tveimur sterkustu kjördæmum flokksins, Norðvesturkjördæmi og Norðausturkjördæmi. Ljóst er að undirmál höfðu haldið áfram með hefðbundnum aðferðum en þegar tilkynnt var um kosningar var allt sett á fullt og unnið eftir sömu aðferðum og í aðdraganda flokksþingsins,“ skrifar Sigmundur Davíð.

Þá segir formaðurinn fyrrverandi: „Atlagan að Gunnari Braga Sveinssyni er þegar langt komin, skipulögð og framkvæmd af þeim sem sáu um atburðarásina á flokksþinginu.“ Eins og fram kom í fréttum í gær mun Ásmundur Einar Daðason fv. alþingismaður bjóða sig fram gegn Gunnari Braga Sveinssyni í forystusætið fyrir kosningarnar. Kosið verður um fimm efstu sætin á tvöföldu kjördæmisþingi á Bifröst um næstu helgi.

Sigmundur Davíð hættur í Framsókn og vinnur að stofnun Samvinnuflokks