medium

large

thumbnail

1536x1536

small

custom-size

Myndamorgunn í Safnahúsi Borgarfjarðar

2048x2048

Svaf ekki svo vikum skipti

Otti Rafn segir af sér sem formaður Landsbjargar

Breiðafjörðurinn er einstakur

Akurnesingar tóku átaki Miðbæjarsamtakanna vel

Bílastæði samþykkt sem tenging fyrir gönguleið að Eldborg

core/freeform

Silicor Materials Icleland ehf. hefur með formlegum hætti tilkynnt Faxaflóahöfnum að fyrirtækið hafi fallið frá áformum um byggingu sólarkísilverksmiðju í Kataneslandi við Grundartanga í Hvalfjarðarsveit. Tilkynningin felur í sér að lóðarsamningur, lóðarleigusamningur og hafnarsamningur við Faxaflóahafnir, sem upphaflega voru undirritaðir í apríl 2015, taka ekki gildi. „Öll réttindi og allar skyldur beggja aðila á grundvelli samninganna eða vegna þeirra falla niður,“ segir í bókun stjórnar Faxaflóahafna sem tók bréfið til afgreiðslu á fundi sínum í gær. Þar var hafnarstjóra falið að tilkynna niðurstöðuna til atvinnuvegaráðuneytisins.

Ástæða þess að bandaríska fyrirtækið er hætt við áform sín um byggingu sólarkísilverksmiðju á Grundartanga er sú að ekki tókst að ljúka fjármögnun verkefnisins. Búið var af þeim sökum að hægja á þróunarvinnu við verkefnið og seinka byggingaráformum.

Verksmiðja Silicor Materials átti samkvæmt áætlunum fyrirtækisins að skapa 450 störf við framleiðslu kísils í sólarrafhlöður. Að sögn Gísla Gíslasonar hafnarstjóra hafa Faxaflóahafnir ekki lagt í kostnað vegna lóðarinnar í Kataneslandi annan en snýr að skipulagsmálum og fornleifarannsóknum. Sú vinna mun hins vegar nýtast komi til annarrar nýtingar á lóðinni þótt síðar verði.

Fallið frá byggingu sólarkísilverksmiðju á Grundartanga