medium

large

thumbnail

1536x1536

small

custom-size

Síðasta mót Vesturlandsdeildarinnar verður á miðvikudaginn

Páskahret á páskadegi

Kerlingarhólmi fannst ekki á korti

Gul viðvörun fyrir norðan- og austanvert landið á páskadag

2048x2048

Hægt að bjóða í málverk til stuðnings átaksverkefni – er til sýnis í dag

Notendavænni og sjálfvirkari þjónusta við íbúa

core/freeform

ÍA og Fjölnir skildu jöfn þegar liðin mættust í 19. umferð Pepsi deildar karla í knattspyrnu í gær. Leikurinn fór fram í Grafarvogi og hvort lið skoraði tvö mörk.

Fyrri hálfleikur var fremur tíðindalítill. Heimamenn voru meira með boltann en náðu ekki að skapa sér almennileg færi. Á meðan lágu Skagamenn til baka og freistuðu þess að beita löngum sendingum fram völlinn og sækja hratt. Þær aðgerðir báru engan ávöxt og því var markalaust í hléinu.

Strax í upphafi síðari hálfleiks lifnaði heldur betur yfir leiknum. Hættulítil fyrirgjöf var send inn á vítateig Skagamanna og misskilningur milli Árna Snæs Ólafssonar markvarðar og Ólafs Vals Valdimarssonar varð til þess að Ólafur skallaði boltann aftur fyrir sig, yfir Árna og í autt markið. Klaufarlegt sjálfsmark og Fjölnir kominn yfir.

Það liðu hins vegar ekki nema fimm mínútur þangað til ÍA var búið að jafna. Eftir fyrirgjöf inn í teiginn virtist sem Þórður Ingason í marki Fjölnis hefði náð boltanum. Stefán Teitur Þórðarson tók boltann hins vegar af honum og skoraði. Fjölnismenn vildu meina að Þórður markvörður hefði haft vald á boltanum en dómarinn var ekki þeirrar skoðunar og dæmdi markið gott og gilt.

Skagamenn efldust við jöfnunarmarkið, voru líflegir og héldu áfram að sækja. Á 60. mínútu átti Ólafur Valur fyrirgjöf frá vinstri kanti. Boltinn hafði viðkomu í varnarmanni og barst þaðan á  Steinar Þorsteinsson sem kom á fleygiferð á nærstöngina og skoraði.

Heimamenn sneru vörn í sókn og reyndu að komast inn í leikinn aftur. Þeir voru nálægt því að jafna þegar Birnir Snær Ingason átti skot af löngu færi sem small í þverslánni en gekk illa að spila sig í góð færi. Það var síðan á 75. mínútu að þeir jöfnuðu metin. Þeir áttu fyrirgjöf á fjærstöng sem Skagamönnum mistókst að skalla frá. Boltinn sveif þess í stað til Þóris Guðjónssonar sem skallaði hann í markið af stuttu færi.

Bæði lið fengu sín tækifæri til að stela sigrinum eftir þetta en mistókst að nýta sér þau. Leiknum lyktaði því með jafntefli, 2-2.

ÍA hefur 14 stig í botnsæti deildarinnar og eru sjö stigum frá öruggu sæti í deildinni þegar þrír leikir eru eftir í mótinu. Næst mætir liðið Stjörnuninni á sunnudaginn, 24. september næstkomandi. Þeim leik mega Skagamenn ekki tapa.

Skagamenn halda í vonina