Viljayfirlýsing um kaup Fisk Seafood á Soffaníasi Cecilssyni í Grundarfirði

Búið er að skrifa undir viljayfirlýsingu þess efnis að Fisk Seafood ehf. á Sauðárkróki kaupi öll hlutabréf í sjávarútvegsfyrirtækinu Soffaníasi Cecilssyni hf. í Grundarfirði. Samkomulagið er með fyrirvörum, m.a. um samþykki Samkeppniseftirlitsins. Þetta kemur fram í fréttatilkynningu sem send hefur verið fjölmiðlum. „Með þessu hyggst Fisk Seafood ehf. styrkja sig í sessi sem eitt öflugasta sjávarútvegsfyrirtæki landsins og treysta enn frekar fjölbreyttan rekstur í útgerð, fiskvinnslu og sölu sem byggst hefur upp á undanförnum árum. Ef af kaupunum verður mun starfsemi félagsins skipulögð með það að markmiði að tryggja áframhaldandi öfluga starfsemi í Grundarfirði.“

Soffanías Cecilsson hf. hefur frá stofnun verið fjölskyldufyrirtæki með starfsemi í Grundarfirði. „Það er mat eigenda félagsins að rétt sé og tímabært að koma fyrirtækinu í hendur aðila sem hefur það að markmiði að tryggja áframhaldandi öfluga starfsemi fyrirtækisins í Grundarfirði.“

Líkar þetta

Fleiri fréttir

Minningar úr héraðsskólum

Þjóðminjasafn Íslands hefur sent út spurningaskrá um minningar úr héraðsskólum og öðrum heimavistarskólum til sveita á unglingastigi. Söfnunin byggir eingöngu... Lesa meira