medium

large

thumbnail

1536x1536

2048x2048

small

custom-size

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

core/freeform

Golfklúbburinn Leynir og Akraneskaupstaður skrifuðu í gær undir samninga um uppbyggingu frístundamiðstöðvar við Garðavöll á Akranesi. Þetta nýja hús verður rúmlega þúsund fermetrar að flatarmáli og skiptist í 700 m2 jarðhæð og 310 m2 kjallara. Húsið verður byggt úr forsteyptum einingum og mun rísa á sömu lóð og núverandi klúbbhús Leynis er og stefnt að því að það verði tilbúið til notkunar næsta sumar. Kostnaðaráætlun gerir ráð fyrir að byggingakostnaður verði um 300 milljónir króna. Að sögn Guðmundar Sigvaldasonar framkvæmdastjóra Leynis vinna stjórnendur golfklúbbsins út frá þeim forsendum þegar kemur að endanlegum samningum við verktaka. Hann segir að ágæt tilboð hafi borist í flesta verkþætti, en ekki sé þó búið að ná samningum um þá alla.

Frístundamiðstöðin mun hýsa félagsstarf Leynis og aðra frístundastarfsemi á vegum Akraneskaupstaðar og Íþróttabandalags Akraness. Fyrirkomulag eignarhalds er með þeim hætti að Fasteignafélag Akraneskaupstaðar slf. mun eiga húsið, Akraneskaupstaður leigir það af fasteignafélaginu og endurleigir síðan til Leynis. Einkum er horft til þess að Leynir nýti húsið yfir sumarið en önnur félagsstarfsemi verði að auki yfir vetrartímann. Í húsinu verður m.a. fullbúið eldhús og veislusalur fyrir allt að 200 gesti og mun sú aðstaða því bætast í framboð veislu- og viðburðahúsnæðis í bæjarfélaginu. Á jarðhæð hússins verður afgreiðsla, skrifstofa, salerni, búningaaðstaða, veitingasalur og önnur stoðrými. Í kjallara verður heilsárs inni aðstaða til golfæfinga og annarra frístunda ásamt geymslum og tæknirými. Núverandi bílastæði munu öll nýtast.

&nbsp;

<strong>Ekki byrjað fyrr en allir samningar verða í höfn</strong>

Þessa dagana eru útboð í gangi um ýmsa verkhluta við byggingu Frístundamiðstöðvarinnar og gera áætlanir golfklúbbsins og Akraneskaupstaðar ráð fyrir að á næstu vikum, þegar ásættanleg tilboð hafa borist í alla verkþætti, verði hafist handa við framkvæmdir. Byrjað verður að rífa núverandi klúbbhús og jarðvegsframkvæmdir hefjast í kjölfarið.

Sævar Freyr Þráinsson bæjarstjóra gat þess við undirritun samninga í gamla golfskálanum að það væri mikil tilhlökkun meðal stjórnenda bæjarins og bæjarfulltrúa um þetta verkefni í ljósi þess að jákvæðni, metnaður og víðsýni hafi verið haft að leiðarljósi í gegnum allt undirbúningsferli að framkvæmd þessari. Sævar Freyr hrósaði stjórnendum Leynis fyrir frumkvæði, dugnað og metnað með verkefnið þar sem gott skipulag og vönduð vinna hefur farið fram. Golfklúbburinn Leynir mun á næstu vikum, þegar heildarmynd á verkefnið verður komin, upplýsa frekar um framkvæmdatíma og annað sem snýr að verkefninu.

&nbsp;

<strong>Forsenda fyrir stórmót</strong>

Félaga- og iðkendafjöldi í golfi er mjög vaxandi á Akranesi og núverandi klúbbhús Leynis fyrir nokkru sprungið utan af starfseminni. Hreinlætisaðstöðu og fleiru er til að mynda ábótavant. Að vonum fagnar Guðmundur Sigvaldason framkvæmdastjóri Leynis þessum áfanga. Hann segir að auk þess að bæta aðstöðu félagsmanna í Leyni sé bætt aðstaða forsenda fyrir því að Leynir geti tekið að sér stórmót í golfi í framtíðinni. Golfsamband Íslands hafi í hyggju að setja ákveðin gæðaviðmið sem útilokað var að Leynir gæti uppfyllt með þeirri aðstöðu sem nú er. Hins vegar sé sjálfur golfvöllurinn í röð þeirra bestu og ekkert því til fyrirstöðu að halda stórmót á vellinum.

Skrifað undir samning um byggingu frístundamiðstöðvar við Garðavöll