medium

large

thumbnail

1536x1536

2048x2048

small

custom-size

Bátafélagið Ægir sendir frá sér áskoranir

Leita að 15-18 ára sæskrímslum

Umferðin í landshlutanum gekk vel yfir páskana

Guðrún Karítas bætti Íslandsmetið í sleggjukasti í smá stund

Luku páskamótinu í gær

Skagamenn fengu silfrið í Lengjubikarnum

core/freeform

Víkingur Ólafsvík hefur á undanförnum vikum verið að styrkja stöðu sína í deildinni eftir brösótta byrjun í sumar. Liðið mætti Breiðabliki í Ólafsvík í gær í sextándu umferð Pepsideildar en Víkingur hafði unnið tvo leiki í röð fyrir þann leik. Breiðablik hefur ekki staðið undir þeim væntingum sem gerðar voru til liðsins fyrir tímabilið og var fyrir leikinn í níunda sæti með átján stig en Víkingur í því áttunda um nítján stig. Breiðablik stjórnaði ferðinni á Ólafsvíkurvelli í leiknum sem endaði með 3-0 sigri.

Breiðablik var mikið sterkari aðilinn í fyrri hálfleik og braut ísinn snemma. Á 12. mínútu fékk Gísli Eyjólfsson boltann á miðjum vallarhelmingi Ólafsvíkur, sneri Kenan Turudija af sér, færði boltann nær vítateig Víkings og þrumaði boltanum í netið. Stórglæsilegt hjá Gísla og klárlega eitt af mörkum sumarsins. Víkingur komst ekki í takt við leikinn í fyrri hálfleik og bættu Blikar við marki á 40. mínútu leiksins. Aron Bjarnason keyrði þá upp vallarhelming Víkings þar sem sundurslitin vörn Víkings virtist ráðalaus. Aron var kominn vinstra megin í vítateig Víkings þegar hann renndi boltanum snyrtilega á Svein Aron Gudjohnsen sem lagði boltann í netið og skoraði þar með fyrsta mark sitt fyrir Breiðablik en hann gekk til liðs við Blika frá Val í lok júlí. Staðan 2-0 í hálfleik og ekki annað hægt að segja en að forystan væri verðskulduð.

Spilamennska Blika var áfram góð í síðari hálfleik og á 53. mínútu skoruðu þeir sitt þriðja mark. Aron Bjarnason fékk boltann rétt fyrir utan vítateig Víkings með þrjá varnarmenn í kringum sig en fór illa með þá og slapp einn í gegn og renndi boltanum auðveldlega í netið. Leikurinn róaðist töluvert eftir þriðja markið. Blikar héldu áfram að stjórna leiknum og lítið gekk hjá Víkingi að skapa sér færi. Blikar voru svo nálægt því að auka forystuna í tvígang undir lok venjulegs leiktíma en Martínez varð vel í bæði skiptin. Lokatölur því 3-0 þegar flautað var til leiksloka.

Úrslit leiks þýða það að Víkingur er aftur kominn í bullandi fallbaráttu eftir að hafa slitið sig frá henni tímabundið með góðu gengi að undanförnu. Liðið er sem stendur í níunda sæti með nítján stig eða þremur stigum frá fallsæti. Liðið á mikilvægan leik gegn KA næstkomandi sunnudag á Akureyri.

Breiðablik vann öruggan sigur á Víkingum