medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/freeform

Þegar Bjarni Jónsson varaþingmaður VG í Norðvesturkjördæmi tók sæti á Alþingi síðasta vetur lagði hann fram fjölda fyrirspurna um samgöngumál. Meðal annars spurði hann Benedikt Jóhannesson fjármálaráðherra um upphæð innheimts virðisaukaskatts af veggjöldum vegna aksturs um Hvalfjarðargöng frá því að göngin voru opnuð sumarið 1998. Í svari ráðherra kemur fram að á verðlagi hvers árs hafi verið innheimtur virðisaukaskattur fyrir 1.968 milljónir króna. Þegar þær tölur hafa verið uppfærðar miðað við verðlag dagsins í dag kemur í ljós að upphæðin er 3.217 milljónir króna.

Samkvæmt gildandi lögum er 11% virðisaukaskattur lagður á aðgang að vegamannvirkjum, þ.m.t. á umferðargjald vegna aksturs um Hvalfjarðargöng. Í svari ráðherra kemur fram að tekjum ríkissjóðs vegna innheimtu virðisaukaskatts er ráðstafað í formi ríkisútgjalda í fjárlögum hvers árs án þess að sundurgreina þær eða marka tilgreindum verkefnum. Bjarni Jónsson varaþingmaður segir í samtali við Skessuhorn að honum hefði þótt eðlilegt að fyrst virðisaukaskattur er á annað borð innheimtur af akstri um þessi jarðgöng og engin önnur, hefði hann talið eðlilegt að slíkar sértekjur ríkissjóðs væru eyrnamerktar vegabótum á landsbyggðinni. Sú væri hins vegar ekki raunin. Fyrir þetta háa upphæð mætti framkvæma mikið í íslenskri vegagerð. Tók hann sem dæmi að miðað við niðurstöðu útboðs sem nýlega fór fram um vegagerð í Lundarreykjadal í Borgarfirði, hefði mátt fyrir rúma 3,2 milljarða króna leggja 112,6 kílómetra af nýjum þjóðvegi með bundnu slitlagi fyrir þá upphæð sem innheimt hefur verið í virðisaukaskatt af umferð um Hvalfjarðargöng frá upphafi.

Í svari Benedikts Jóhannessonar við fyrirspurn Bjarna kemur hins vegar fram að ráðherra er ósammála þessari sýn fyrirspyrjanda: „Það er í verkahring Alþingis að ákveða til hvaða verkefna skatttekjum er ráðstafað sem í þessu tilviki eru eingöngu tekjur vegna innheimtu virðisaukaskatts, en samkvæmt lögum nr. 123/2015, um opinber fjármál, er meginreglan sú að marka ekki skatttekjur tilteknum stofnunum eða verkefnum. Afstaða ráðherra er í samræmi við þá efnisreglu í lögum um opinber fjármál.“ Í svari ráðherra við spurningu Bjarna um hvort ráðherra teldi koma til greina að endurgreiða umræddan virðisaukaskatt með því að verja upphæðinni til vegaframkvæmda, segir: „Sé pólitískur vilji fyrir því að auka fjármagn til vegaframkvæmda er eðlilegast að slíkt sé gert með beinum framlögum í fjárlögum en ekki gegnum virðisaukaskattskerfið.“

Ríkið hefur innheimt 3,2 milljarða í virðisaukaskatt vegna Hvalfjarðarganga