medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Þróunarsvið Byggðastofnunar, í samvinnu við Hagfræðistofnun Háskóla Íslands, hefur gefið úr skýrsluna Hagvöxtur landshluta 2008-2015. Nokkrar af helstu niðurstöðum skýrslunnar eru þær að hagvöxtur á tímabilinu mældist 3% á höfuðborgarsvæðinu en 6% utan þess. Mestur hagvöxtur á landinu öllu á þessu árabili var á Vesturlandi, eða 7%. Fram kemur m.a. að framleiðsla jókst mest á Suðurnesjum, Norðurlandi eystra og Suðurlandi, lítill vöxtur var á Austurlandi og Norðurlandi vestra og á Vestfjörðum dróst framleiðsla saman á tímabilinu.

Mikill hagvöxtur mældist á Vesturlandi á árunum 2011 til 2013 og yfir allt tímabilið varð hann 7% eins og fyrr segir. Umsvif á Vesturlandi jukust bæði í sjávarútvegi og öðrum iðnaði en stóriðju og fiskvinnslu. Fjármálaþjónusta skrapp saman eftir 2011 enda hefur bankaútibúum fækkað umtalsvert á tímabilinu og starfsfólki fækkað. Mannvirkjagerð minnkaði um tæpan helming frá 2008 til 2010, en óx aftur hægum skrefum á seinni hluta tímabilsins. Þrátt fyrir góðan hagvöxt breyttist íbúafjöldi lítið. Stóriðja er sterk á Vesturlandi, en um 7% ársverka voru í þeirri atvinnugrein árið 2015. Þá vinna um 14% í sjávarútvegi. Þrátt fyrir nálægð við höfuðborgarsvæðið og fallega náttúru er ferðaþjónusta ekki eins mikilvæg atvinnugrein og víða annars staðar á landinu. Um 8,5% ársverka er í samgöngum, veitingum og gistihúsarekstri. Húsnæðisverð er svipað og annars staðar í nágrenni höfuðborgarinnar. Staðgreiðsluverð í sérbýli var 164 þúsund krónur á fermetrann árið 2015, eða tæp 80% af meðalverði á landinu öllu.

Lítilsháttar breyting hefur orðið á vægi atvinnugreina á Vesturlandi milli áranna 2008 og 2015. Vægi sjávarútvegs sem hlutfalls af öllum greinum fer úr 19% árið 2008 í 21% árið 2015. Vægi stóriðju minnkar að sama skapi, en hún er engu að síður langstærsta atvinnugreinin á Vesturlandi, eða 27% árið 2015. Vægi byggingarstarfsemi minnkar á tímabilinu en opinber þjónusta eykst lítillega.

Hagvöxtur hvergi meiri en á Vesturlandi