medium

large

thumbnail

1536x1536

2048x2048

small

custom-size

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

Hafnarstjórinn sem hefði getað orðið prestur

core/freeform

Fyrr í vikunni var Byggðasafni Borgarfjarðar afhentar tvær góðar gjafir þegar Björgvin E. Vídalín framkvæmdastjóri Eldvíkur ehf. afhenti safninu skipsbjöllu og lukt úr skipinu M/S Hvítá. Hvítá var smíðuð í Svíþjóð árið 1946 og kom til Íslands sama ár. Skipið var til að byrja með 91 brúttólest en var síðar stækkað upp í hundrað lestir. Skipið var fyrst notað til síldveiða á Siglufirði en á næstu árum eftir var oft aflabrestur á síldarmiðunum og útgerðin því erfið. Í byrjun árs 1954, þegar skipið lá við bryggju í Reykjavíkurhöfn, skall á fárviðri mikið, sem síðan hefur verið kallað Hæringsveður. Slitnaði þá Hvíta frá bryggju ásamt Hæringi sem ofviðrið er kennt við og fleiri bátum. Hvítá strandaði við Laugarnes og skemmdist mikið. Tveimur árum síðar var skipið selt til Hafnarfjarðar og þá nefnt Flóaklettur. Það var svo í árslok 1963 sem skipið lenti aftur í hremmingum og losnaði frá gömlu bryggjunni í Hafnarfirði og rak upp í klappir.

Björgvin E. Vídalín var nítján ára gamall drengur árið 1966 og var farinn að stunda köfun í Hafnarfirði. Hann var eitt sinn að tína krækling í köfunarleiðangri sínum nálægt flakinu af Hvítá. Á meðan hann var að sækja kræklinginn kom háflóð sem gerði það að verkum að auðvelt var fyrir hann að komast að Hvítá og náði hann í gripina tvo, skipsbjölluna og luktina í flakið. Gripirnir hafa verið í vörslu Björgvins síðan en nú hefur hann afhent Byggðasafninu í Borgarnesi gripina og verða þeir til sýnis í Safnahúsinu.

Á safninu er einnig að finna líkan af skipinu Hvíta sem afhent var árið 2009. Það var unnið að forgöngu þeirra Sigvalda Arasonar og Sveins Hálfdánarsonar, en báðir hafa þeir unnið af miklum krafti við að taka saman útgerðarsögu Borgarness.

Skipsbjalla úr M/S Hvítá afhent Byggðasafni Borgarfjarðar