Valdís Þóra komst ekki inn á Opna breska

Valdís Þóra Jónsdóttir, atvinnukylfingur úr Golfklúbbnum Leyni, verður ekki meðal keppenda á Opna breska meistaramótinu í golfi sem hefst í Skotlandi á fimmtudaginn. Hún keppti á úrtökumóti fyrir risamótið í dag og lauk leik á 74 höggum, eða tveimur höggum yfir pari. Þegar þessi orð eru rituð deildi Valdís 41. sætinu með tíu öðrum kylfingum. Alls tóku 112 kylfingar þátt í mótinu en aðeins 20 efstu öðlast þátttökurétt á Opna breska.

Líkar þetta

Fleiri fréttir