medium

large

thumbnail

1536x1536

2048x2048

small

custom-size

Góð helgi að baki í skíðabrekkunum

Skallagrímur tapaði naumlega fyrir Þór

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

core/freeform

Aron Jóhannes Leví Kristjánsson keypti rekstur ferðaþjónustufyrirtækisins Snæfellsjökull Glacier Tours í maí síðastliðnum. Aron er frá Rifi og hefur alla sína ævi starfað sem sjómaður. Hann ákvað að breyta til síðasta vor og hasla sér völl í ferðaþjónustunni. „Ég fór fyrsta túrinn með pabba þegar ég var barn en tók fyrsta sumarið mitt á grásleppu 14 ára gamall. Allar götur síðan hef starfað sem sjómaður. Undanfarin tíu ár eða svo hef ég verið á línubátum,“ segir Aron í samtali við Skessuhorn. En hvernig kom það til að hann ákvað að reyna fyrir sér í ferðaþjónustunni?

„Mig langaði að breyta til og prófa að gera eitthvað bara fyrir sjálfan mig, að minnsta kosti yfir sumartímann því ég mun fara aftur á sjó í vetur,“ segir hann. „Mér líkar mjög vel í ferðaþjónustunni. Þetta er frábrugðið sjómennskunni sem er ágætt. En svo venst maður þessu örugglega eins og öllu öðru,“ bætir hann við.

Aðspurður segir hann hafa gengið ágætlega í jöklaferðunum það sem af er sumri. „Já, þetta hefur gengið ágætlega þó veðrið hafi ekki alltaf verið okkur í hag. Síðasti vetur var snjóléttur og svo hefur hreinlega ekki komið almennilegt sumar ennþá. En um leið og það er heiðskír dagur finnur maður að það kemur dálítil innspýting í ferðirnar. Ég vil að það snjói í fjöllin á veturna og sé heiðskírt á sumrin, það er albesta veðráttan fyrir þennan rekstur,“ segir hann.

<em>Nánar er rætt við Aron í Skessuhorni vikunnar.</em>

Gengið hefur vel í jöklaferðum þrátt fyrir óhagstætt veður