Myndasögur og glanstímarit vinsælast í útlánum bókasafna

Nú er hægt að nálgast upplýsingar um hvaða efni er vinsælast í íslenskum bókasöfnum á vef Landskerfis bókasafna. Á vefsíðunni „Vinsælustu titlarnir“ er m.a. hægt að draga út tölur um vinsælustu bækurnar, vinsælustu tímaritin, hvaða kennslubók er eftirsóttust í framhaldsskólum landsins og hvað háskólaborgararnir taka að láni. Einnig er hægt að skoða hvað unga fólkið okkar er að lesa og hvort munur sé á lestarmynstri höfuðborgarbúa og Vestlendinga, svo dæmi sé tekið. Til þess að nálgast þessar upplýsingar og fleiri er farið inn á vefsíðuna Vinsælustu titlarnir á vef Landskerfis bókasafna og velja það sem áhugi er á að skoða. Upplýsingarnar á þessari vefsíðu byggja á upplýsingum um útlán úr bókasafnskerfinu Gegni.

Skessuhorn sló til gaman inn sameiginlegt svæði Vesturlands og Vestfjarða í Gegni og athugaði hvaða titlar eru vinsælastir í útlánum allra bókasafna í landshlutanum. Óhætt er að segja að léttmetið eitt komist þar á blað, þ.e. tímarit og myndablöð, og þyngra efni fræðilegs eðlis er einfaldlega ekki að finna á topp-10. Listinn er eftirfarandi:

 

  1. Myndasögusyrpa = Syrpa. (1994) 1.575 útlán
  2. Vikan 2016. (2016) 1.151 útlán
  3. Hús og híbýli. (1972) 628 útlán
  4. Gestgjafinn: Tímarit um mat. (1981) 485 útlán
  5. Séð og heyrt 2016. (2016) 419 útlán
  6. Vikan 2015. 391 útlán
  7. Myndasögusyrpa 2015 = Syrpa 2015. 382 útlán
  8. Sagan öll. (2007) 356 útlán
  9. Man. (2013) 339 útlán
  10. Myndasögusyrpa 2016 = Syrpa 2016.
Líkar þetta

Fleiri fréttir