medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/freeform

Um síðastliðna helgi var hið árlega Norðurálsmót á Akranesi haldið. Mótið er fyrir drengi í sjöunda flokki á aldrinum sex-átta ára. Mótið hófst rétt fyrir hádegi á föstudag með skrúðgöngu allra félagsliðanna í mótinu en fyrir göngunni fóru nemendur Tónlistarskóla Akraness. Eftir gönguna var mótið svo formlega sett í Akraneshöllinni af Sólveigu Bergmann fyrir hönd Norðuráls áður en Baldur Einarsson, aðalleikari kvikmyndarinnar Hjartasteins, tók lagið Í síðasta skipti með Friðriki Dór. Veður var fremur slæmt á föstudeginum en lagaðist þegar leið á helgina og var nokkuð gott þegar mótinu lauk rétt eftir hádegi á sunnudeginum. Mikil gleði einkenndi mótið, bæði hjá foreldrum og börnum, og ekki síst á kvöldvökunni á laugardagskvöldið þegar Halli melló og Gói skemmtu.

Hulda Birna Baldursdóttir, framkvæmdastjóri Knattspyrnufélags ÍA, segir mótið hafa heppnast rosalega vel og er ánægð með helgina. „Þetta hefði verið fullkomið ef veðrið hefði verið betra á föstudaginn en fólk lét það þó ekki á sig fá. Það voru 1.598 knattspyrnumenn sem tóku þátt í mótinu og hundrað af þeim voru frá ÍA.“

<em>Nánar verður fjallað um Norðurálsmótið í máli og myndum í næsta Skessuhorni</em>

Norðurálsmótið heppnaðist vel í ár