medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/freeform

Íslandsmótið í holukeppni, KPMG - bikarinn, fór fram í Vestmannaeyjum um síðustu helgi. Það voru 32 karlar og 16 konur sem hófu leik á föstudaginn. Ákveðið var, vegna ástands nokkurra flata vallarins, að leika einungis á 13 af 18 holum vallarins. Á fyrstu stigum mótsins réðust leikirnir á þrettán holum en í undanúrslitum sem og úrslitum voru leiknir tveir hringir eða 26 holur.

„Óhætt er því að segja að veðrið hafi spilað stóra rullu á mótinu. Fyrst með því að völlurinn var ekki alveg tilbúinn og svo buðu Vestmannaeyjar upp á sannkallað sýnishornaveður um helgina. Rok og rigningu, sól og og blíðviðri og líka smá haglél. Úrsltaeinvígin byrjuðu í veðri sem minnti frekar á sturtuferð en golf en sem betur fer skein upp fyrir seinni 13 holurnar og sólin þurrkaði keppendur með smá hjálp frá vestmannaeyskri golu,“ segir í frétt frá Golfsambandinu.

Kylfingarnir sem börðust um Íslandsmeistaratitilinn létu þó hvorki holufjölda né úrhelli ekki slá sig út af laginu. Í karlaflokki bar Egill Ragnar Gunnarsson, rétt rúmlega tvítugur piltur úr GKG, nokkuð öruggt sigurorð af Alfreð Brynjari Kristinssyni. Egill hafði forustu svo til allan leikinn og sigldi sigrinum heim að vestmannaeyskum sið á 10. holu með 5 holur í forskot þegar einungis þrjár voru eftir. Í kvennaflokki sigraði Guðrún Brá Björgvinsdóttir æfingafélaga sinn Helgu Kristínu Einarsdóttur úr golfklúbbnum Keili, á 11. holu eftir harða en skemmtilega keppni þar sem Guðrún hafði þó alltaf yfirhöndina með þriggja Holu forskot þegar einungis tvær voru eftir.

Bæði Egill Ragnar og Guðrún Brá eru að vinna sína fyrstu titla á meðal þeirra bestu en svo skemmtilega vill til að Egill vann einnig Íslandsmeistaramót í holukeppni unglinga um síðustu helgi og er því tvöfaldur meistari. Næstu verkefni Guðrúnar er svo Evrópukeppni landsliða sem fram fer í Portúgal í byrjun júlí.

Íslandsmótinu í holukeppni lokið