medium

large

thumbnail

small

custom-size

Hlutur ferðaþjónustu í landsframleiðslu aldrei verið meiri

1536x1536

Veiðihús við Andakílsá að taka á sig mynd

Gary Martin gengur til liðs við Víking Ólafsvík

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

core/freeform

Nýverið var í Borgarnesi hrundið af stað átaki á landsvísu sem miðar að því að auka skilning ferðafólks á ábyrgri ferðahegðun. Herferðin er á vegum Inspired by Iceland verkefnisins og snýst um að fá ferðafólk til að skrifa undir átta loforð um að ferðast á ábyrgan hátt um Ísland - The Icelandic Pledge. Meðal þeirra atriða sem samþykkt er að gangast undir er að virða náttúruna og skilja við hana eins og komið var að henni, að aka ekki utan vega, að koma sér ekki í hættulegar aðstæður við að taka myndir, að tjalda á viðeigandi tjaldsvæðum sem og að vera vel útbúinn á ferðalagi um Ísland í öllum veðrum. Það var Þórdís Kolbrún Reykfjörð Gylfadóttir, ráðherra ferðamála, sem var fyrst til að samþykkja loforðin. Var það gert þegar hún ásamt fólki frá Samtökum ferðaþjónustunnar, Íslandsstofu og Landsbjörgu, sem saman standa að verkefninu, kom saman á Landnámssetrinu í Borgarnesi. Ísland er fyrsta landið í heiminum sem hvetur ferðamenn til slíkra loforða.

Í The Icelandic Pledge eru ferðamenn hvattir til að samþykkja loforðin átta á vefsíðu Inspired by Iceland. Inga Hlín Pálsdóttir forstöðumaður Íslandsstofu segir að eitt af meginatriðunum með loforðunum sé að fólk gangi vel um og sýni ábyrga ferðahegðun. „Við teljum að oft viti ferðamaðurinn ekki hvernig hann á að vera ábyrgur og hann viti ekki að hann hafi gert eitthvað rangt,“ segir Inga Hlín. Hún segir mörg atriðanna á listanum hafi verið Íslendingum hugleikin síðustu ár. „Ég held að það sé mjög mikilvægt að við öll saman, komum þessum skilaboðum á framfæri á jákvæðan máta og líka kannski með smá húmor að vopni,“ bætir hún við.

Ferðamenn skrifi upp á ábyrga ferðahegðun