medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/freeform

Báðar ferðir ferjunnar Akraness sem átti að fara frá Reykjavík klukkan hálf sjö í morgun og kl. 10:30 féllu niður. Gunnlaugur Grettisson hjá Sæferðum segir ástæður þess að ferðirnar voru felldar niður hafa verið samspil ölduhæðar og mikils vinds. „Við viljum fyrst og fremst ganga úr skugga um að öryggi farþega sé tryggt og því vildum við ekki taka neina áhættu svona snemma í þessu tilraunaverkefni. Við eigum að geta siglt í tveggja og hálfs metra ölduhæð en hún var tæplega þrír metrar þegar við tóku stöðuna fyrir fyrstu og aðra ferð. Vindhraðinn spilaði líka sinn þátt í þessari ákvörðun okkar þar sem hann var 20 m/s. Við erum enn að læra á aðstæður og við þekkjum það frá Vestmannaeyjum og af Breiðafirði að við höfum getað siglt á þriggja metra ölduhæð en stundum þurft að fresta ferðum í eins og hálfs metra hæð vegna vinds,“ segir Gunnlaugur.

Hann segir að tíminn verði að leiða það í ljós hvort möguleiki sé á því að sigla ferjunni á milli á vetrartíma eins og gert er ráð fyrir. „Það er hluti af þessu tilraunaverkefni að skoða hvort hægt sé að sigla á milli allan ársins hring. Það voru bæði kröfur um að siglingin tæki ekki meira en hálftíma og það væri hægt að sigla henni að vetri til. Við höfum reynslu af því að á veturna getur verið stillt og gott sjóveður en síðan höfum við einnig reynslu af vetri þar sem ekkert er hægt að ráða við veðrið. Ferðin er stutt á milli Akraness og Reykjavíkur og við vonuðumst til þess að það kæmu ekki upp svona heilir dagar þar sem ferjan siglir ekki. Þetta verður allt að koma í ljós en við vonum að þegar við lærum betur á aðstæður getum við haldið svona dögum í lágmarki,“ segir Gunnlaugur að endingu. Tekin hefur verið ákvörðun um að síðasta ferð dagsins verði á áætlun.

Báðar ferðir Akraness hafa fallið niður í dag