medium

large

thumbnail

1536x1536

2048x2048

small

custom-size

Ólsarar úr leik í Mjólkurbikarnum

Léku sér í rokinu

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

core/freeform

Á Akranesi hefur að undanförnu verið vandamál vegna skorts á dagforeldrum og leikskólaplássum. Í Skessuhorni í síðustu viku birtist viðtal við Halldóru Hallgrímsdóttur sem sagði frá því að sonur hennar, sem fæddur er í janúar 2015, hafi ekki fengið pláss hjá dagforeldri. Leikskólar á Akranesi innrita ekki börn fyrr en ágúst árið sem þau verða tveggja ára. Sonur Halldóru mun því aðeins eiga fjóra mánuði í þriggja ára aldurinn þegar hann kemst loks í leikskóla.

Á fundi í skóla- og frístundaráði Akraneskaupstaðar í gær var fjallað um eftirspurn eftir leikskólaplássi fyrir börn sem náð hafa tveggja ára aldri. Þar var ákveðið að formaður skóla- og frístundaráðs, Þórður Guðjónsson bæjarfulltrúi Sjálfstæðisflokksins, skyldi koma með tillögur að úrlausnum í þessum málum fyrir lok júlí. Þórður segir í samtali við Skessuhorn að vandamálið sé talsvert. Starfshópur sem vann við að úttekt um málið í vetur hefur skilað niðurstöðum og kveður þar á um að horfa þurfi til framtíðar en einnig að beita skammtímalausnum til að leysa vandamálið sem komið er upp. „Það hefur verið fjölgun í bæjarfélaginu og töluvert af yngra fjölskyldufólk flutt í bæinn vegna fasteignaverðsins á höfuðborgarsvæðinu. Það er jákvætt en því fylgir vandamál sem við þurfum að leysa. Þegar fólk flytur í bæinn með barn á leikskólaaldri, þriggja til fimm ára, þá er það barn sett í forgang. Við höfum hingað til haft svigrúm til að innrita þau börn en flest börnin hafa fengið pláss á leikskólanum Akraseli. Nú er staðan svo að öll leikskólapláss á Akranesi orðin yfirfull og svigrúm til að taka inn ný börn í algjöru lágmarki,“ segir Þórður.

Þórður segir að vandamálið sé margþætt og ekki sé hægt að benda á skort á annaðhvort leikskóla- eða dagforeldrapláss því allt sé þetta samþætt. „Við þurfum að líta á allt skólakerfið og skoða nýtingu á plássi til langs tíma. Nú eru vandamálin hins vegar aðkallandi og við þurfum að leita að skammtímalausnum og það munum við gera til að greiða úr málinu. Það er mikill ókostur, og hefur alltaf verið, að það sé aðeins innritað börn einu sinni á ári, í ágústmánuði. Við ætlum okkur að hafa innritun oftar á ári svo að börn komist fyrr inn. Síðan er hægt að líta til annarra lausna til lengri tíma með því að stækka leikskóla eða deildir og mögulega koma upp fimm ára bekk á Akranesi. Það þarf að horfa á skólakerfið í heild,“ segir Þórður að endingu.

Ætla að innrita leikskólabörn oftar á ári