medium

large

thumbnail

1536x1536

2048x2048

small

custom-size

Uppbygging á aðstöðu til jarðræktarrannsókna að hefjast á Hvanneyri

Kári úr leik í Lengjubikarnum eftir tap gegn Þrótti Vogum

Kæra til lögreglu alvarlega vanrækslu á nautgripum

Hvítnar í fjöll í kvöld og færð gæti þar spillst

Var með kannabis í fórum sínum

Tónlistarfólk í Stykkishólmi fagnar í vor

core/freeform

Ferðamálastofa, markaðsstofur landshlutanna og Safetravel vinna nú að því að endurskoða upplýsingaveitu til ferðamanna. Í því felst m.a. breytt skipulag upplýsingamiðstöðva og almennt hvernig upplýsingum er miðlað til ferðafólks. Af því tilefni var nýverið haldið málþing í Borgarnesi þar sem stefnt var saman þeim sem eiga aðkomu að málaflokknum með einum eða öðrum hætti.

Unnur Valborg Hilmarsdóttir, formaður Ferðamálaráðs, setti málþingið og fjallaði í ræðu sinni um mikilvægi vandaðrar og samræmdrar upplýsingamiðlunar um land allt. Unnur benti jafnframt á hve sterkt vönduð upplýsingamiðlun tengist Vegvísi um ferðaþjónustu. Hún sé mikilvæg til að tryggja upplifun og ánægju ferðamannsins og með góðum upplýsingum um vegalengdir, staðhætti, veður, færð og fleira sé ýtt undir að ferðamenn fari sem víðast um landið. „Vönduð upplýsingamiðlun til ferðamanna mun einnig kalla á aukna fagmennsku og þjálfun starfsmanna sem svo eykur hæfni og gæði ferðaþjónustunnar í heild sinni,“ sagði Unnur Valborg.

Sérstakur gestur á málþinginu var hinn írski Gary Breen sem kynnti starfsemi Fáilte Ireland. Á Írlandi var kerfið sem heldur utan um upplýsingamiðstöðvar tekið í gegn fyrir nokkrum árum. Breen fór nokkuð ítarlega yfir þær breytingar sem gerðar voru, hvert markmiðið var og hver reynsla Íra er af þjónustu við ferðamenn sem leita til upplýsingamiðstöðvanna.

Að loknum erindum voru haldnar vinnustofur þar sem farið var dýpra í einstök málefni verkefnisins; öryggismál, hæfni og gæði, og samstarf og samræmingu. Unnið hefur verið að verkefninu frá árinu 2015 en áætlað er að nýju kerfi verði komið á í upphafi ársins 2019.

Endurskoða upplýsingaveitur til ferðamanna