medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Í Grafarvogi í gær mættust lið Fjölnis og Víkings Ólafsvíkur í sjöundu umferð Pepsideildar karla í knattspyrnu. Fyrir leikinn var Víkingur í neðsta sæti með þrjú stig og Fjölnir tíunda sæti með sjö stig. Leikurinn endaði með 1-1 jafntefli og stóðu liðin því í stað í deildinni.

Leikurinn fór fjörlega af stað og eftir tólf mínútna leik skoraði Guðmundur Steinn Hafsteinsson fyrir Víking með fallegum skalla eftir frábæra sendingu Kenan Turudija af vinstri vængnum. Víkingur var ekki lengi með forystu í leiknum því þremur mínútum síðar skoraði Ingimundur Níels Óskarsson fyrir Fjölni. Ingimundur fékk þá sendingu frá Birni Snæ Ingasyni; Christian Martínez varði skot Ingimundar en boltinn barst aftur til hans og lagði hann þá boltann í netið.

Guðmundur Steinn Hafsteinsson fékk góðan möguleika til að koma Víkingi aftur yfir á 36. mínútu. Hann fékk þá sendingu frá Pape Mamadou Faye og slapp einn í gegn en Þórður Ingason í marki Fjölnis sá við honum.

Síðari hálfleikur var bragðdaufari en sá fyrri. Leikmenn Víkings voru þéttir til baka og gáfu fá færi á sér. Fjölnir sóttu meira en náðu ekki að skapa sér sérstök færi. Niðurstaðan 1-1 jafntefli.

Víkingur er enn í neðsta sæti en næsti leikur þeirra er á mánudaginn í Ólafsvík gegn Stjörnunni.

Víkingur Ólafsvík fékk stig á útivelli