medium

large

thumbnail

1536x1536

2048x2048

small

custom-size

Vegagyðjan verður reist við Búðardal í dag

Nói Síríus selur páskaegg á hálfvirði

Margir í vandræðum á fjallvegum fyrir norðan

Gleðilega páska!

Síðasta mót Vesturlandsdeildarinnar verður á miðvikudaginn

Páskahret á páskadegi

core/freeform

Spurningunni; Er viðbragðskerfið á Íslandi sprungið vegna fjölgunar ferðamanna, var reynt að svara á ráðstefnu sem haldin var á Akureyri um síðustu helgi sem m.a. Landsbjörg og Háskólinn á Akureyri stóðu fyrir. Fyrr rétt um sjö árum var fjöldi ferðamanna sem til landsins kom innan við hálf milljón en áætlaður fjöldi á þessu ári er 2,5 milljón. Kjartan Ólafsson lektor við Háskólann á Akureyri og formaður aðgerðarstjórnar björgunarsveita í Eyjafirði ræddi í erindi sínu um þær áskoranir sem geta falist í því að byggja mikilvæga hluta af viðbragðskerfi samfélagsins á framlagi sjálfboðaliða. Hann benti á að í fámennu samfélagi á borð við Ísland væri sennilega alltaf óhjákvæmilegt að einhvern hluta viðbragðskerfisins þurfi að byggja á sjálfboðaliðum. Sagði hann að mikilvægast væri að horfast í augu við það og byggja kerfið upp með þeim hætti að sjálfboðaliðarnir séu til taks þegar á þarf að halda og í stakk búnir til að starfa með þeim fagaðilum sem sinna slíkri þjónustu dags daglega. „Margskonar smáverkefni sem rata á borð björgunarsveita eru þess eðlis að spyrja má hvort aðrir aðilar gætu ekki í raun sinnt þeim. Hinsvegar geta þessi verkefni líka stuðlað að því að viðhalda kerfinu og bæta viðbragðið þegar koma stærri og flóknari verkefni,“ sagði Kjartan.

Auk Kjartans voru frummælendur Jessica Shadian prófessor við Háskólann á Akureyri og Háskólann í Toronto, Edward Huijbens prófessor við Háskólann á Akureyri og Viðar Magnússon yfirlæknir bráðaþjónustu utan sjúkrahúsa. Í lok ráðstefnunnar settust í panel til að ræða málefnið Jón Gunnarsson ráðherra, Smári Sigurðsson formaður Landbjargar, Halla B. Björnsdóttir lögreglustjóri, Eva Björk Harðardóttir varaformaður Ferðamálaráðs, Ásgrímur L. Ásgrímsson frá Landhelgisgæslu og Viðar Magnússon yfirlæknir.

Viðbragðsaðilar munu alltaf að hluta koma úr röðum sjálfsboðaliða