medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Sérfræðingar Hafrannsóknastofnunar í veiðimálum eru nú staddir við Andakílsá í Borgarfirði til að meta hvort set sem barst í ána úr inntakslóni Andakílsárvirkjunar hafi haft áhrif á lífríkið í ánni. Niðurstöðu þeirra er að vænta á næstu dögum og ráðlegginga um skynsamleg viðbrögð við aurburðinum. Í síðustu viku var hleypt niður úr inntakslóninu. Það er gert reglulega en í þetta skipti var það tæmt alveg þar sem meta þurfti ástand stíflunnar við lónið, sem reist var um miðja síðustu öld. „Ekki er vitað til þess að það hafi verið tæmt áður en ráðgert var að moka seti af botni lónsins. Talsvert af setinu barst hinsvegar niður árfarveginn. Mokstri úr lóninu hefur verið frestað,“ segir í tilkynningu frá Orku náttúrunnar sem á og rekur Andakílsárvirkjun.

Orka náttúrunnar kallaði til sérfræðinga Hafrannsóknarstofnunar. Þeir hafa verið við ána síðustu daga við rannsóknir á borð við að meta fjölda seiða og ástand þeirra. „Niðurstaðna er að vænta á næstu dögum og jafnframt ráða um hvort og þá til hvaða aðgerða sé rétt að grípa,“ segir í tilkynningu.

Rannsaka áhrif aurflóðs í Andakílsá