medium

large

thumbnail

1536x1536

small

custom-size

Myndamorgunn í Safnahúsi Borgarfjarðar

2048x2048

Svaf ekki svo vikum skipti

Otti Rafn segir af sér sem formaður Landsbjargar

Breiðafjörðurinn er einstakur

Akurnesingar tóku átaki Miðbæjarsamtakanna vel

Bílastæði samþykkt sem tenging fyrir gönguleið að Eldborg

core/freeform

Þegar ljósmyndari Skessuhorns átti leið um Skorradal í blíðviðrinu í gær sá hann til feðganna á Grund þar sem þeir voru úti á túni, ofan við bæinn. Með járnkarl og skóflu að vopni ásamt ámoksturstækjum á dráttarvél voru þeir að losa grjót upp úr flagi sem til stendur að vinna upp og sá í fyrir sumarið. Þeir Davíð Pétursson og Pétur sonur hans búa með sauðfé á Grund og eru lambærnar flestar komnar út enda beit orðin góð miðað við árstíma og ekkert betra fyrir ærnar en að komast út í góða veðrið. Fjórar kindur voru enn óbornar inni í húsum og því var upplagt að nýta tækifærið og bregða sér í þetta verkefni. "Þetta er náttúrlega ekki það skemmtilegasta sem maður gerir, en grjótið fer ekki sjálft," sagði Davíð bóndi í léttum dúr. Eftir stutt spjall um m.a. tilurð samstæðubílnúmera, virkjanamál í sveitinni, pólitík og veðurfar er kvatt, enda afleitt að tefja vinnandi menn frá verki.

Sauðburði að ljúka hjá Grundarbændum