medium

large

thumbnail

1536x1536

2048x2048

small

custom-size

Uppbygging á aðstöðu til jarðræktarrannsókna að hefjast á Hvanneyri

Hlutverk feðranna í fermingarundirbúningnum

Tap hjá ÍA á móti Fjölni í fyrsta leik í úrslitakeppninni

Jafnt hjá ÍA og Aftureldingu í Lengjubikarnum

„Vorum með blóm og gullfiska í vösum“

Rekstrarniðurstaða Hvalfjarðarsveitar jákvæð um 500 milljónir á síðasta ári

core/freeform

Norræna félagið á Akranesi og Akraneskaupstaður standa fyrir vinabæjarmóti á Akranesi í sumar. Vinabæjarmótið verður dagana 5.- 9. júlí. „Markmið Norræna félagsins er að efla norrænt samstarf á öllum sviðum samfélagsins, efla frið Norðurlandaþjóðanna sín á milli og þeirra og annarra þjóða út á við. Norræna félagið vinnur að markmiðum sínum með því að stuðla að samskiptum milli einstaklinga, félagsdeilda og við systurfélög sín á Norðurlöndum,“ segir í tilkynningu.

Norræna félagið á Akranesi og vinabæir þess, Bamble í Noregi, Tönder í Danmörku, Västervik í Svíþjóð og Närpes í Finnlandi halda í þessum tilgangi vinabæjarmót þriðja hvert ár til skiptis í bæjunum og í ár verður það haldið á Akranesi í júlí næstkomandi. Norræna félagið og Akraneskaupstaður eru sameiginlega gestgjafar á vinabæjarmótinu.

Hver vinabær má að hámarki senda 25 þátttakendur á mótið og hefð er fyrir því að gestir búi á einkaheimilum meðan á mótinu stendur. „Það væri því vel þegið að þeir sem áhuga og tök hafa á að taka á móti einum til tveimur gestum frá vinabæjunum hafi samband við Norræna félagið á netfangið: haholt3@simnet.is  og láti vita,“ segir í tilkynningu frá Norræna félaginu á Akranesi.

Halda norrænt vinabæjamót á Akranesi í sumar