medium

large

thumbnail

1536x1536

2048x2048

small

custom-size

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

core/freeform

Sævar Freyr Þráinsson bæjarstjóri á Akranesi segir tíðindin um mögulegar uppsagnir fiskvinnslufólks HB Granda á Akranesi gríðarlega alvarleg. „Sjávarútvegurinn hér er sálin í bænum okkar og partur af því sem þetta bæjarfélag snýst um. Og að fara að loka vinnslu eru mjög alvarleg tíðindi og hefði mikil áhrif á samfélagið allt,“ sagði Sævar í samtali við Skessuhorn. Hann segir einhug um það í bæjarstjórn Akraness að berjast með kjafti og klóm fyrir áframhaldi veru HB Granda á Akranesi. „Við finnum skýran vilja þingmanna í að styðja okkur í þessu máli og raunar allra í okkar samfélagi. Við munum því berjast eins og þarf. Það er staðföst trú okkar að framtíð HB Granda er best borgið á Akranesi. Hér er einfaldlega allt til alls til að fyrirtækið geti búið sér framtíðarstað, betri stað en annarsstaðar. Að fyrirtækinu yrði þrengt á höfuðborgarsvæðinu hvort sem litið er til landrýmis eða samgangna og því teljum við okkur einfaldlega bjóða betri lausn,“ segir Sævar.

Á bæjarstjórnarfundi sem nú stendur yfir samþykkti bæjarstjórn yfirlýsingu sem send verður stjórn HB Granda. „Þetta er sterk viljayfirlýsing um hvernig framtíðarhögum hafnarinnar verður háttað og athafnasvæði HB Granda tryggt í samræmi við þarfir fyrirtækisins. Við erum einfaldlega tilbúin til að mæta þeim kröfum sem HB Grandi setur fram. Með þessu sendum við boltann yfir til þeirra. Okkar von er að á stjórnarfundi í HB Granda á morgun, verði málið tekið fyrir. Við munum óska eftir að HB Grandi fresti ákvörðun sinni um a.m.k. einn mánuð til að gefa öllum hlutaðeigandi ráðrúm til að vinna sem best að undirbúningu þessa máls. Við biðjum um logn í mánuð og að fyrirtækið fresti í það minnsta ákvörðun sinni um uppsagnir starfsfólks þann tíma,“ sagði Sævar Freyr í samtali við Skessuhorn skömmu áður en fundur bæjarstjórnar hófst síðdegis í dag.

Bæjarstjórn sendir stjórn HB Granda yfirlýsingu