medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Fulltrúi Sláturhúss Kaupfélags Skagfirðinga hélt síðastliðinn miðvikudag fund með sauðfjárbændum í félagsheimilinu Valfelli í Borgarhreppi. Á fundinum fór Ágúst Andrésson formaður samtaka sláturleyfishafa og framkvæmdastjóri kjötafurðasviðs KS yfir stöðuna í sölumálum sauðfjárafurða og horfur fyrir næstu sláturtíð. Fram kom á fundinum að útlit er fyrir meiri birgðir lambakjöts 1. september í haust miðað við sama tíma í fyrra, eða 1300-1400 tonn í stað þúsund tonna haustið 2016. Á fundinum komu fram áhyggjur sláturleyfishafa með birgðir lambakjöts og sölumál. Birgðastaða nú væri líkt og á síðasta ári að stærstum hluta lambalæri. Fram kom að fyrirhuguð eru sérstök átaksverkefni til að afsetja þetta kjöt í viðleitni til að draga úr birgðum.

Þrátt fyrir ítrekaðar tilraunir í dag fékk Skessuhorn ekki samband við Ágúst Andrésson og birtir því hér túlkun þriggja bænda um það sem efnislega fór fram á fundinum.

Bændur segja að útlitið sé dökkt í afurðasölumálum og að sláturleyfishafar vari við þeirri stöðu sem uppi getur orðið næsta haust. Tregða í sölu markist af sterku gengi íslensku krónunnar, hrun hafi orðið á Noregsmarkaði og hömlur eru á sölu til Rússlands eftir viðskiptabannið sem enn er í gildi. Engu að síður er hægt að selja kjöt en fyrir afar lágt verð vegna sterkrar krónu. Nú eru sláturleyfishafar því að leggja það til að í stað þess að staðgreitt yrði fyrir afurðir verði 65% innleggsins greitt að hausti en 35% á næsta ári. Hér væru því bændur að veita sláturleyfishöfum vaxtalaust lán fyrir 35% innleggsins og þar að auki jafnvel gegn lægra gjaldi fyrir þann hluta innleggsins. Á móti kæmi að verðskrá yrði gefin út strax um næstu mánaðamót þannig að bændur sem e.t.v. hyggjast draga úr framleiðslu eða hætta í greininni geti þá gert viðeigandi ráðstafanir t.d. vegna áburðarkaupa fyrir vorið. Þá vilja sláturleyfishafar fá sem mest af dilkum til slátrunar snemma hausts og leggja til að verð fyrir innlegg lækki eftir 23. september fyrir þyngri en 16 kílóa skrokka. Þannig fengju bændur hvata til að slátra snemma og minnka um leið magn innvegins kjöts.

Þungt undir fæti í sölu dilkakjöts