medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/freeform

&nbsp;

Snæfellskonur hófu deildarmeistarabikarinn á loft eftir lokaleik deildarinnar gegn Keflavík sem fram fór í Stykkishólmi í gær. Gestirnir sigruðu reyndar leikinn, 59-72 og jöfnuðu þar með Snæfell að stigum. Þetta var hins vegar eini leikur liðanna í vetur sem Keflavík sigraði, Snæfell vann hina þrjá og hafði því tryggt sér deildarmeistaratitilinn fyrir leikinn í gær á innbyrðis viðureignum.

Leikurinn var fremur flatur og bragðdaufur, enda skipti hann engu máli um stöðuna í deildinni. Hann fór fremur rólega af stað og fyrsta stigið var ekki fært til bókar fyrr en eftir tvær og hálfar mínútur þegar gestirnir skoruðu af vítalínunni. Bæði lið áttu erfitt uppdráttar sóknarlega í upphafsfjórðungnum, en Keflavíkurkonur voru þó ívið ferskari og leiddu 12-16 að honum loknum. Snæfell jafnaði snemma í öðrum leikhluta og komst stigi yfir skömmu síðar. Gestirnir náðu forystunni svo á nýjan leik um miðbik leikhlutans og leiddu með fimm stigum í hléinu, 30-35.

Staðan hélst mjög svipuð þar til langt var liðið á þriðja leikhluta. Þá náðu Keflavíkurkonur góðum leikkafla og tókst að auka forskot sitt í 14 stig fyrir lokafjórðunginn, 44-58. Gestirnir voru komnir í vænlega stöðu og fataðist ekki flugið í fjórða og síðasta leikhlutanum. Þær héldu forskoti sínu í tveggja stafa tölu allt þar til lokaflautan gall og höfðu að lokum 13 stiga sigur, 59-72.

Bryndís Guðmundsdóttir skoraði 15 stig og tók sjö fráköst í lokaleiknum, Aaryn Ellenberg skoraði 14 stig og gaf sjö stoðsendingar og Berglind Gunnarsdóttir var með ellefu stig og sex fráköst.

&nbsp;

<strong>„Lognið á undan storminum“</strong>

Snæfell lauk deildarkeppninni í vetur á toppnum með 44 stig. Sem fyrr segir voru það jafn mörg stig og Keflavík hafði í öðru sæti en Snæfellskonur tryggðu sér toppsætið á innbyrðis viðureignum. Að leik loknum tók því Gunnhildur Gunnarsdóttir, fyrirliði Snæfells, við deildarmeistarabikarnum úr hendi Guðbjargar Norðfjörð, varaformanns KKÍ. Gunnhildur hóf bikarinn á loft við fögnuð leikmanna og stuðningsmanna Snæfells.

Ingi Þór Steinþórsson, þjálfari Snæfells, var að vonum árangur með deildarmeistaratitilinn og árangur heildarárangur liðsins í vetur. Í samtali við Vísi kemur fram að deildarmeistaratitilinn var þjálfaranum efst í huga, þrátt fyrir tap í lokaleiknum. „Ég er mjög sáttur við að vera deildarmeistari. Það er númer eitt, tvö og þrjú en það sást á öllu í þessum leik að úrslitin og niðurröðun var ráðin. Bæði lið voru að passa sig að meiðast ekki og mér fannst þetta vera flatur leikur,” sagði Ingi Þór í samtali við Vísi. Hann bætti því við að tap gærkvöldsins væri „lognið á undan storminum,“ eins og hann orðaði það því framundan væri undirbúningur liðsins fyrir úrslitakeppnina. Þar mætir Snæfell liði Stjörnunnar í undanúrslitum. Fyrsta viðureign liðanna fer fram þriðjudaginn 28. mars næstkomandi í Stykkishólmi. Sigra þarf þrjá leiki til að komast áfram í úrslit Íslandsmótsins.

Bikarinn á loft eftir bragðdaufan leik