medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Eins og greint var frá í Skessuhorni á miðvikudag hefur Pauline McCarthy á Akranesi hrundið af stað söfnun fyrir vinkonu sína, Anítu Gunnarsdóttur og fjölskyldu hennar. Aníta er sex barna móðir sem glímir við erfið veikindi og gæti þurft að gangast undir heilaskurðaðgerð í haust. Aðgerðin er áhættusöm og gæti orðið til þess að Aníta missi sjónina og tapi hreyfigetu. Af þeim sökum langar hana að komast í frí með fjölskyldunni í Lególand í Danmörku, sem er draumaáfangastaður tíu ára þríburadætra hennar. Fjölskyldan hefur hins vegar ekki ráð á fríinu og því ákvað Pauline að setja söfnunina af stað.

[caption id="attachment_12506" align="alignright" width="161"]<img class="wp-image-12506" src="http://skessuhorn.wpengine.com/wp-content/uploads/2017/03/mynd-600x831.jpg" width="161" height="223" /> Óttarr Proppé.[/caption]
Þegar þessi orð eru rituð hafa safnast 474 þúsund krónur af þeim 798 þúsund krónum sem áætlað er að vikufrí fjölskyldunnar komi til með að kosta. Fjölmargir hafa lagt söfnuninni lið. Nú síðast styrkti  heilbrigðisráðherra Óttarr Ólafur Proppé söfnuninna um 50 þúsund krónur úr eigin vasa.
Þeim sem vilja styrkja söfnun fyrir Anítu Gunnarsdóttur er bent á söfnunarsíðuna <a href="https://www.gofundme.com/family-holiday-before-brain-surgery">https://www.gofundme.com/family-holiday-before-brain-surgery</a>. Þar er hægt að leggja söfnuninni lið með upphæð að eigin vali, því margt smátt gerir eitt stórt.

&nbsp;

&nbsp;

Hér að neðan má lesa umfjöllunina sem birtist í nýjasta tölublaði Skessuhorns:

Sex barna móðir á Akranesi gæti þurft í heilaskurðaðgerð 

[caption id="attachment_12521" align="alignright" width="289"]<img class="wp-image-12521" src="http://skessuhorn.wpengine.com/wp-content/uploads/2020/03/16195352_10209284907814628_8870315716967047253_n.jpg" width="289" height="289" /> Aníta Gunnarsdóttir er sex barna móðir á Akranesi.[/caption]

Pauline McCarthy á Akranesi hefur hrundið af stað söfnun fyrir vinkonu sína, Anítu Gunnarsdóttur og fjölskyldu hennar. Pauline greinir frá því á söfnunarsíðunni gofundme.com að mikil veikindi hafi hrjáð fjölskylduna. Aníta er sex barna móðir. Tvær elstu dætur hennar eru komnar yfir tvítugt, eru báðar með sérþarfir og búa á Akranesi ásamt Anítu, Benedikt manni hennar og yngstu dætrum þeirra þremur, sem eru tíu ára gamlar. Þríburarnir fæddust löngu fyrir tímann og tvær þeirra hafa glímt við heilsufarsvandamál frá fæðingu. Sonur Anítu er námsmaður og býr í Reykjavík.

&nbsp;

Aníta greindist með góðkynja heilaæxli árið 2015. Læknar afréðu að grípa ekki til aðgerðar, þar sem æxlið væri góðkynja og nálægt mjög viðkvæmum hreyfi- og sjónsvæðum í heilanum. Síðar þetta sama ár uppgötvaðist að æxlið var farið að stækka og valda skemmdum og Anítu óbærilegum verkjum, svo slæmum að nokkrum sinnum þurfti hún að leggjast inn á spítala til verkjameðferðar. Til stóð að senda Anítu í uppskurð, en það var talið of áhættusamt og þá var afráðið að senda hana til London í laser-aðgerð í október á síðasta ári.

Aníta átti að fara aftur til London í svokallaðan jáeindaskanna, eða PET-skanna, í febrúar síðastliðnum til að kanna áhrif aðgerðarinnar, en vegna niðurskurðar í íslenska heilbrigðiskerfinu voru ekki til peningar til að borga fyrir PET-skönnun fyrir Anítu í London. Þess í stað þarf hún að bíða fram í ágúst, eða þar til eftir að PET-skanninn sem Íslensk erfðagreining ákvað árið 2015 að gefa Landspítalanum, hefur verið afhentur og tekinn í notkun. Þangað til veit enginn hvort laser-aðgerðin í haust hafi heppnast sem skyldi. „Verkir hennar hafa aukist síðan þá og ef laser-aðgerðin heppnaðist ekki þá þarf hún að gangast undir heilaskurðaðgerð með allri þeirri áhættu sem henni fylgir. Hún hefur miklar áhyggjur af því að blindast eða lamast í aðgerðinni. Þess vegna langar hana að komast með þríburana í frí í Lególand í Danmörku, draumaáfangastað þeirra, áður en hún þarf að leggjast undir hnífinn, svo þær geti átt góðar stundir og skapað skemmtilegar minningar saman,“ skrifar Pauline á söfnunarsíðuna.

„Aníta hefur átt við ýmis heilsufarsleg vandamál að stríða í mörg ár en engu að síður hefur hún aðstoðað og litið til með svo mörgum öðrum,“ skrifar Pauline, en Aníta veitti til dæmis Mæðrastyrksnefnd Vesturlands forstöðu oftar en einu sinni og oftar en tvisvar. „Fjölskyldan er því miður skuldsett og laun eiginmannsins og örorkulífeyrir hennar nægja aðeins fyrir helstu nauðsynjum. Þess vegna langar mig að hjálpa henni að safna því sem til þarf svo fjölskyldan komist í frí,“ skrifar Pauline. Hún áætlar að safna þurfi rétt tæplega átta hundruð þúsund krónum svo fjölskyldan geti farið í vikufrí til Danmerkur og heimsótt draumastað þríburanna, Lególand. Söfnunin mun standa yfir þar til í byrjun ágústmánaðar. Leggja má söfnuninni lið á síðunni gofundme.com, undir slóðinni: <a href="https://www.gofundme.com/family-holiday-before-brain-surgery.">https://www.gofundme.com/family-holiday-before-brain-surgery.</a>

Heilbrigðisráðherra lagði söfnuninni fyrir Anítu lið