medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Skallagrímur mætti Stjörnunni í æsispennandi leik í Domino‘s deild karla í körfuknattleik í gær. Leikið var í Garðabæ og fór að lokum svo að heimamenn höfðu betur, en sigur þeirra var mjög naumur. Leikurinn var í járnum lengi vel og úrslitin réðust ekki fyrr en á lokasekúndunum. Stjarnan hafði þriggja stiga sigur, 83-80.

Skallagrímsmenn byrjuðu af miklum krafti og voru mun sterkari í upphafsfjórðungnum. Þeir léku á als oddi í sókninni og prýðilega vörn. Fyrir vikið leiddu þeir með 15 stigum eftir fyrsta leikhluta, 30-15. Stjarnan svaraði með góðum kafla í upphafi annars leikhluta. Þeir söxuðu ört á forskot Skallagríms leikurinn varð jafn eftir það. Stjarnan komst yfir í fyrsta sinn í leiknum rétt fyrir hléið en Skallagrímsmenn áttu lokaorðið í fyrri hálfleiknum og hirtu forystuna aftur. Þeir leiddu með einu stigi í hléinu, 44-45.

Síðari hálfleikur var jafn og spennandi. Stjarnan komst yfir snemma í þriðja leikhluta en Skallagrímsmenn voru aldrei langt undan. Mest munaði fjórum stigum á liðunum og aðeins eitt stig skildi þau að fyrir lokafjórðunginn, en þá leiddu heimamenn 61-60. Stjörnumenn héldu forystunni allt til leiksloka. Leiddu með örfáum stigum og þó baráttuglaðir Skallagrímsmenn hafi á ný minnkað muninn í eitt stig seint í leiknum þá vantaði herslumuninn til að komast yfir. Fór svo að lokum að Stjarnan marði sigur, 83-80.

Flenard Whitfield var atkvæðamestur leikmanna Skallagríms með 27 stig og tíu fráköst. Sigtryggur Arnar Björnsson var með 17 stig, átta stoðsendingar og sjö fráköst. Eyjólfur Ásberg Halldórsson skoraði 13 stig og tók níu fráköst og Magnús Gunnarsson lauk leik með tólf stig.

Skallagrímur situr í 10. sæti deildarinnar með 14 stig eftir 19 leiki og eru tveimur stigum á undan Haukum í sætinu fyrir neðan en fjórum stigum frá næstu liðum fyrir ofan.

Næsti leikur Skallagríms fer fram fimmtudaginn 2. mars næstkomandi þegar þeir mæta Tindastóli í Borgarnesi.

Stjarnan rétt marði Skallagrím