medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Færeyska línuskipið Jákub B landaði í annað sinn á stuttum tíma í Ólafsvík síðastliðinn mánudag, að þessu sinni 35 tonnum af úrvals fiski sem fór beint á markað. Að sögn Óskars Melsted sölustjóra hjá Fiskmarkaði Íslands fór kílóið af þorskinum á 300 krónur og ýsan lagði sig á 305 krónur. Hann sagði að gott væri að fá þennan afla á land nú þegar verkfall sjómanna stendur yfir. „Ég á ekki von á því að fá þetta skip aftur til löndunar hér þar sem kvóti færeyskra skipa er ekki mikill hér við land,“ sagði Óskar.

Færeysku sjómennirnir sem fréttaritari ræddi við í Ólafsvík á mánudaginn voru mjög ánægðir með alla þá þjónustu sem þeir fengu í Ólafsvík. Þeir kváðust hafa óttast læti þar sem sjómannverkfall stæði yfir. Þeir sögðust hafa lent í miðju sjómannaverkfalli þegar þeir lönduðu eitt sinn í Skotlandi og þar hefði verið skvett olía á fiskinn. Því voru þeir mjög sáttir að landa hér, enda sögðu þeir alþekkt að Ólsarar væru höfðingjar heim að sækja. Á árum áður voru Færeyingar fjölmennir í Ólafsvík og tengslin sterk milli landanna.

Lönduðu í annað sinn í Ólafsvík