medium

large

thumbnail

1536x1536

2048x2048

small

custom-size

Tekist á fyrir dómi um land og aðgang að því

Dreyri bauð upp á páskaeggjaleit í morgun

Dregið hefur úr norðan hvassviðri og vorið er handan við hornið

Vegagyðjan verður reist við Búðardal í dag

Nói Síríus selur páskaegg á hálfvirði

Margir í vandræðum á fjallvegum fyrir norðan

core/freeform

Stigið hefur verið skref í átt að jöfnun þjónustu við flóttafólk, hvort sem það kemur í boði stjórnvalda eða á eigin vegum. Skrifað hefur verið undir samning milli Rauða kross Íslands og félagsmálaráðuneytisins þar að lútandi. Samningurinn er til þriggja ára og kveður á um hlutverk RKÍ varðandi móttöku, aðstoð og stuðning við flóttafólk sem kemur til landsins á samningstímanum. Á næstu dögum er von á 47 flóttamönnum frá Sýrlandi sem koma í boði stjórnvalda, í samstarfi við Flóttamannastofnun Sameinuðu þjóðanna.

Samningurinn tekur meðal annars til þess að flóttafólki standi til boða stuðningur sjálfboðaliða Rauða krossins. Kveðið er á um að RKÍ veiti flóttafólki almennar leiðbeiningar, fræðslu og ráðgjöf og vísi á úrræði sem standa því til boða. Þá mun RKÍ standa fyrir reglulegum námskeiðum fyrir flóttafólk um einkenni ofurálags og áfallastreitu og skyndihjálparnámskeiðum. Rauði krossinn mun einnig aðstoða flóttafólk við að komast í samband við nána ættingja í gegnum alþjóðlega leitarþjónustu, meðal annars til að hafa uppi á týndum ættingjum eða grafast fyrir um örlög þeirra. Þannig megi endurvekja samband innan fjölskyldna sem hafa sundrast vegna átaka, ofsókna eða af öðrum orsökum.

Staða flóttafólks jöfnuð í nýjum samningi ríkis og RKÍ