medium

large

thumbnail

1536x1536

2048x2048

small

custom-size

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

core/freeform

Ljósmyndasamkeppni Skessuhorns meðal grunnskólanema í 8. - 10. bekk skóla á Vesturlandi var haldin í fyrsta sinn nú í desember. Gátu þátttakendur sent inn ljósmyndir í gegnum tölvupóst eða samfélagsmiðilinn Instagram undir myllumerkinu #skessujól. Þema myndanna var „aðventan“ og barst fjöldi skemmtilegra mynda í keppnina. Vinningshafi í keppninni er Unndís Ida Ingvarsdóttir, 13 ára nemandi í Heiðarskóla í Hvalfjarðarsveit, en hún sendi mynd sem hún kallar „Aðventan í fjárhúsunum.“ Hlýtur hún að launum gjafabréf til kaupa á GoPro myndavél. Í öðru sæti varð mynd sem Jason Jens Illugason úr Ólafsvík sendi inn en í því þriðja varð mynd Samuels Alans Hafþórssonar frá Stykkishólmi og fá þeir bækur í verðlaun.

&nbsp;

<strong>Urðu eiginlega stjarfar</strong>

Unndís Ida, sigurvegari í keppninni, hefur alltaf haft gaman af því að taka ljósmyndir. „Ég var í ljósmyndavali í skólanum og hef alltaf haft gaman af því að taka myndir - sérstaklega af kettinum okkar,“ segir Unndís í samtali við Skessuhorn. Hún lagði töluverða vinnu í að ná réttu myndinni til að senda inn í keppnina. „Ég var búin að hugsa alveg helling um þetta, var með margar hugmyndir og alls konar. Svo datt mér þetta í hug og var næstum því á síðustu stundu með þetta.“ Unndís Ida situr sjálf fyrir á myndinni en hún setti myndavélina á þrífót og tímastillti hana. Hún segist mikið hafa velt því fyrir sér að taka myndina í fjárhúsunum með logandi kerti en datt á endanum í hug að hafa kindurnar með. „Ég hélt samt að þær myndu hlaupa í burtu en þær voru svo hræddar að þær voru eiginlega alveg stjarfar,“ segir hún og hlær. „Þess vegna voru þær alveg kyrrar, það mátti heyra að þær önduðu ansi hratt! Þetta var pínu erfitt og það tók alveg smá stund að ná réttu myndinni,“ segir sigurvegarinn að endingu.

Úrslit í ljósmyndasamkeppni Skessuhorns