medium

thumbnail

small

custom-size

Lánveitingar Byggðastofnunar halda áfram að skapa störf

large

1536x1536

2048x2048

ÍA og Tindastóll mætast í Mjólkurbikarnum

Þungatakmarkanir taka gildi á fimmtudaginn

Fyrri umferð biskupskosningar lokið – Elínborg datt út

Vel mætt á fund miðbæjarsamtakanna um Akratorg

Úthlutað úr Minningarsjóði Heimis Klemenzsonar

core/freeform

Heimamenn á bænum Örnólfsdal í Þverárhlíð urðu vitni að óvenjulegu háttarlagi rjúpnaskytta í gær. Kristinn Egilsson, faðir Egils bónda, hafði tekið eftir því að styggð var komin að fénu inni við afréttargirðingu. „Ég keyrði þarna inneftir og fór að athuga málið og sá að kindurnar voru farnar að haga sér eitthvað óvenjulega eins og styggð væri komin að þeim. Þá sá ég mann koma gangandi út úr kjarrinu. Ég gaf mig á tal við hann og spurði hvað hann hefði verið að gera. Sá sagðist hafa verið að reka rjúpur úr Örnólfsdalslandi og innfyrir afréttargirðingu til að félagi hans gæti skotið þær þar. Hann vantaði víst eina rjúpu til að fá nóg í jólamatinn,“ tjáði hann mér. „Maðurinn sagði mér jafnframt að nú væri búið að skilgreina Tvídægru sem þjóðlendu og þar mætti því skjóta,“ hefur Kristinn eftir rekstrarmanninum.

Innaf Örnólfsdalslandi er neðsti hluti þess svæðis sem nefnist Tvídægra, en í nýföllnum úrskurði um þjóðlendur var landið skilgreind þjóðlenda og er nú í eigu íslenska ríkisins. „Ég ætlaði nú fyrst varla að trúa manninum, hafði aldrei heyrt annað eins. Að menn gangi svo langt að reka rjúpur úr heimalöndum til þess að geta skotið þær í aðliggjandi þjóðlendu er örugglega einhvers konar met. Vonandi gefur það ekki tóninn fyrir háttarlag annarra rjúpnaskytta,“ sagði Kristinn Egilsson í samtali við Skessuhorn. Því má við þetta bæta að mennirnir náðu að skjóta þrjár af rjúpunum sem reknar höfðu verið úr kjarrinu í Örnólfsdal.

<p>[&#8230;] „Ég ætlaði nú fyrst ekki að trúa honum því ég hef aldrei heyrt annað eins. Að menn gangi svo langt að reka rjúpur úr heimalöndum til þess að geta skotið þær í aðliggjandi þjóðlendu er örugglega einhvers konar met. Vonandi gefur þetta ekki tóninn fyrir háttalag annarra rjúpnaskytta&#8220; sagði Kristinn í samtali við Skessuhorn. [&#8230;]</p>


Smöluðu rjúpum til að skjóta þær í þjóðlendunni