medium

large

thumbnail

1536x1536

2048x2048

small

custom-size

Skíðasvæði Snæfellsness blæs í herlúðra

Lokakeppni Vesturlandsdeildar 2024

Snæfell tapaði fyrir Fjölni í körfunni

Háskólinn á Bifröst – uppskeruhátíð nýsköpunar

Frítekjumark námsmanna hækkar og ábyrgðarmannakerfið kvatt

Undirskrifaður samningur Borgarbyggðar og Sjamma ehf

core/freeform

Fagráð í hrossarækt hefur valið þau bú sem tilnefnd eru til árlegrar heiðursviðurkenningar Bændasamtaka Íslands sem ræktunarbú ársins. Valið stóð á milli 71 bús sem náð höfðu athyglisverðum árangri á árinu og í ljósi afar magnaðs árangurs hjá mörgum búum var ákveðið að tilnefna 16 bú í ár. Einnig var ákveðið að breyta reiknireglu þeirri sem notuð er við valið. Búum hefur verið raðað upp eftir meðalaldri sýndra hrossa, meðaleinkunn þeirra og fjölda. Nú var ákveðið að leiðrétta einkunnir eftir aldri líkt og gert er við kynbótamatsútreikninga og taka á þann hátt tillit til mismunandi aldurs. Þetta gerir allar einkunnir samanburðarhæfar áður en búunum er svo raðað upp eftir leiðréttum einkunnum og fjölda sýndra hrossa. Tilnefnd bú munu hljóta viðurkenningu á ráðstefnunni Hrossarækt 2016 sem haldin verður í Samskipahöllinni í Spretti laugardaginn 5. nóvember næstkomandi. Ræktunarbú ársins verður svo verðlaunað á Uppskeruhátíð hestamanna sem haldin verður í Gullhömrum þá um kvöldið.

Tvö bú á Vesturlandi eru í hópi þeirra sextán sem tilnefnd voru. Það eru Berg í Grundarfirði, þau Anna Dóra Markúsdóttir og Jón Bjarni Þorvarðarson. Hins vegar er það Skipaskagi bú þeirra Jóns Árnasonar og Sigurveigar Stefánsdóttur. Önnur bú eru í stafrófsröð: Árbæjarhjáleiga II, Efsta-Sel, Garðshorn á Þelamörk, Hamarsey, Hof á Höfðaströnd, Hvolsvöllur, Ketilsstaðir/Syðri-Gegnishólar, Kirkjubær, Kjarnholt I, Koltursey, Prestsbær, Rauðalækur, Torfunes og Þúfur.

<img class="alignnone size-medium wp-image-7399" src="http://skessuhorn.wpengine.com/wp-content/uploads/2016/10/Sextán-hrossaræktarbú-tilnefnd-sem-ræktunarbú-ársins_2-600x400.jpg" alt="Hér er Skaginn frá Skipaskaga á LM á Hólum. Knapi er Daníel Jónsson. Skaginn hlaut 8,73 í aðaleinkunn sem dugði í fjórða sætið í flokki 7 vetra og eldri stóðhesta." />

Sextán hrossaræktarbú tilnefnd sem ræktunarbú ársins