medium

large

thumbnail

1536x1536

small

custom-size

Skammir frá Einari

Matthías Leó og Særós stóðu sig vel á Evrópumótinu í keilu

Myndamorgunn í Safnahúsi Borgarfjarðar

2048x2048

Svaf ekki svo vikum skipti

Otti Rafn segir af sér sem formaður Landsbjargar

Breiðafjörðurinn er einstakur

core/freeform

Skallagrímskonur tóku á móti Haukum í Borgarnesi á laugardag. Þær lögðu grunn að góðum sigri í upphafsfjórðungnum, leiddu allan leikinn og þó Haukar hafi gerst ágengir undir lokin sigldu Borgnesingar sigrinum heim og unnu með 13 stigum, 70-57.

Leikurinn fór fremur hægt af stað og staðan var 9-7 þegar fyrsti leikhluti var rúmlega hálfnaður. Eftir það skelltu Skallagrímskonur í lás í vörninni og tóku afgerandi forystu. Haukar skoruðu aðeins sjö stig í upphafsfjórðungnum gegn 18 stigum Skallagríms. Eftir það var saga leiksins sú að Skallagrímur leiddi en Haukar eltu. Munurinn hélst meira og minna óbreyttur allt til hálfleiks. Staðan í hléinu var 32-20 fyrir Skallagrím.

Lítið breyttist í leiknum fyrst eftir hléið. Áfram leiddu heimakonur afgerandi og náðu mest 17 stiga forskoti. Aftur minnkuðu Haukar muninn niður í tólf stig en ekkert benti til þess að þær ætluðu að gera neina alvöru atlögu að forskotinu, ekki fyrr en um miðjan lokafjórðunginn. Þá náðu þær mjög góðum kafla og voru aðeins þremur stigum frá Skallagrími og útlit fyrir að lokamínúturnar yrðu æsispennandi. Skallagrímskonur voru hins vegar ekki á þeim buxunum. Þær hertu tök sín í bláloki og sigldu sigrinum heim. Þær unnu með 70 stigum gegn 57, sem fyrr segir.

Tavelyn Tillman var atkvæðamest leikmanna Skallagríms með 24 stig, sjö fráköst og fjórar stoðsendingar. Sigrún Ámundadóttir kom henni næst með 16 stig, níu fráköst og sex stoðsendingar. Jóhanna Björk Sveinsdóttir skoraði tíu stig og fór mikinn í fráköstunum, en hún reif niður hvorki fleiri né færri en 19 slík.

Skallagrímur situr í fimmta sæti Domino‘s deildarinnar með sex stig eftir fyrstu fimm leiki vetrarins, jafn mörg stig og liðin tvö í sætunum fyrir ofan. Næst leika Skallagrímskonur miðvikudaginn 26. október þegar Njarðvíkingar koma í heimsókn í Borgarnes.

Skallagrímskonur sigldu sigrinum heim