medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Þorkell Gunnar Þorkelsson múrarameistari í Grundarfirði hefur undanfarnar tvær vikur unnið ásamt sínum mönnum við steypa bílaplan við Bjarnarfoss í Staðarsveit. „Þetta er búið að ganga alveg ágætlega hjá okkur, þessi framkvæmd. Veðrið hefur reyndar aðeins verið að stríða okkur því það hefur rignt á stundum. Hitinn vinnur með okkur en það er búið að vera svolítið blautt upp á síðkastið,“ segir Gunnar í samtali við Skessuhorn á mánudag. Hann segir ekki mikla vinnu eftir við bílaplanið. „Planið er rúmlega 1600 fermetrar, ágætis blettur það. Við eigum eina steypu eftir og við erum að gera klárt fyrir hana núna. Svo bíðum við eftir að okkur lítist á veðrið til að klára. Þá verður bara smá frágangur og jarðvinna eftir. Að lokum verður svo malbikaður afleggjarinn upp að planinu,“ segir Gunnar.

Kaffistofa iðnaðarmanna vakti sérstaka athygli blaðamanns. Má orða það svo að hún sé vægast sagt rúmgóð, opin og björt, enda afmarkast hún fyrst og fremst af umhverfinu hverju sinni. „Þegar við förum fjarri þjónustu þá tökum við kaffistofuna bara með okkur. Komum með borð og stóla, grill og kaffivél. Þá grillum við í matinn, höfum það gott og reynum að láta fara vel um okkur. Við steypum náttúrulega bara í góð veðri svo það er um að gera að leysa kaffistofumálin svona,“ segir Gunnar og af myndinni að dæma væsir ekki um þá Gunnar, Eymar og Þorgrím í steypuvinnunni. „Við erum yfirleitt þrír saman að steypa ásamt hundinum Kobba, sem sér um að halda forvitnum vegfarendum fjarri og passar að mýsnar fari ekki inn í bílinn,“ segir Gunnar að lokum, léttur í bragði.

[gallery columns="1" size="full" ids="7317"]

Gengur vel að steypa bílaplanið við Bjarnarfoss