medium

large

thumbnail

small

custom-size

Bjarki Pétursson varð í sjöunda sæti

1536x1536

Snæfell kom sér inn í einvígið gegn Tindastóli

Gleði og glaumur á söngleiknum Grease

2048x2048

Kallað eftir tilnefningum til foreldraverðlauna

Fellsströndin og Gullni söguhringurinn

Salmonella í kjúklingi frá Matfugli

core/freeform

Um liðna helgi var haldið upp á að verslunin Blómsturvellir á Hellissandi hefur nú verið starfrækt í sama húsnæðinu í þrjátíu ár, en verslunin er þó talsvert eldri, eða 48 ára. Sama fjölskyldan hefur rekið verslunina frá upphafi. „Árið 1968 opnuðu foreldrar mínir, hjónin Óttar Sveinbjörnsson og Guðlaug Íris Tryggvadóttir, verslun í bílskúrnum við Munaðarhól á Hellissandi. Óttar er rafverktakameistari og voru fyrstu árin seldar rafmagnsvörur í versluninni; ljós, lampar og ýmislegt sem tengdist raflögnum. Árið 1978 var verslunin svo flutt í íbúðarhús ömmu og afa, þeirra Júníönu og Friðbjarnar, þegar þau fluttust suður á Hrafnistu. Heitir hús þeirra Blómsturvellir og kemur nafnið á versluninni þaðan. Þar var verslunin rekin til ársins 1986 er þá var fyrsti hluti núverandi húsnæðis byggður og upp á það erum við að halda þessa dagana en viðbyggingarnar eru tvær síðan og er verslunin nú tæplega 600 fermetrar,“ segir Júníana Björg Óttarsdóttir í samtali við Skessuhorn.

Júníana Björg segir að hún hafi verið starfandi við verlunina frá því að hún var sex ára og einnig er móðir hennar enn starfandi þótt hún sé orðinn 75 ára og stendur vaktina sex daga vikunnar. „Við höfum verið mjög heppinn með starfsfólk öll árin,“ segir Júníana ennfremur og bætir við að nú sé Súsanna Hilmarsdóttir einnig starfandi hjá þeim. „Oftast séu þrír ættliðir við afgreiðsustörf og allir hjálpast að við að halda versluninni gangandi og erum við með fjölda tryggra viðskiptavina,“ segir Júnína að lokum.

Afmælishátíð Blómsturvalla á Hellissandi