medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Í gær tók Skallagrímur á móti Íslands- og bikarmeisturum KR síðasta fimmtudag í annarri umferð Domino‘s deildar karla í körfuknattleik. Íslandsmeistararnir höfðu yfirhöndina meira og minna allan leikinn en nýliðar Skallagríms gerðu vel í að standa í þeim á köflum. Þeir urðu þó að játa sig sigraða að leikslokum, 76-90.

Leikurinn fór fremur hægt af stað. Liðunum gekk illa að skora framan af í fyrsta leikhluta og söfnuðu þar af leiðandi fáum stigum á töfluna. KR-ingar náðu þó smá rispu undir lok leikhlutans og leiddu 9-17 að honum loknum. Liðin náðu sér betur á strik í öðrum fjórðungi og höfðu meistararnir yfirhöndina en Skallagrímsmenn héldu í við þá. Í hálfleik leiddu KR-ingar með níu stigum, 31-40.

Skallagrímsmenn komu vel stemmdir til leiks eftir hléið og gerðu gott áhlaup á gestina. Þeir náðu að minnka muninn niður í tvö stig og spenna farin að færast í leikinn. Þeir náðu aldrei forystunni en KR-ingum tókst ekki heldur að svara strax og aðeins fimm stiga munur á liðunum fyrir lokafjórðunginn. Þar sýndu Íslandsmeistararnir hins vegar mátt sinn og megin. Þeir juku forskot sitt skjótt og örugglega í tveggja stafa tölu, hleyptu heimamönnum aldrei nálægt sér og sóttu 14 stiga sigur, 76-90.

Flenard Whitfield átti stórgóðan leik í liði Skallagríms. Hann skilaði sannkallaðri tröllatvennu með 21 stig og 19 fráköst. Hann gaf auk þess fimm stoðsendingar.

Sigtryggur Arnar Björnsson skoraði 14 stig, tók átta fráköst og gaf sex stoðsendingar og reynsluboltinn Darrell Flake var með tíu stig og sjö fráköst.

Fimmtudaginn 20. október næstkomandi halda Skallagrímsmenn norður yfir heiðar og mæta liði Þórs frá Akureyri í nýliðaslag Domino‘s deildarinnar, en bæði lið léku í 1. deild á síðasta leiktímabili.

Íslandsmeistararnir of stór biti fyrir Skallagrím