medium

large

thumbnail

1536x1536

2048x2048

small

custom-size

Fimm kóra mót var haldið á Akranesi

Borgfirðingar tóku á móti Rangæingum í Brún

Skeifudagur, afmæli Grana og útskrift úr Reiðmanninum framundan

Sundgarpar í Borgarnesi

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

core/freeform

Íslands- og bikarmeistarar Snæfells í körfuknattleik kvenna sigruðu Grindavík þegar leikið var um Meistara meistaranna í gær. Í þeim leik mætast Íslands- og bikarmeistarar síðasta árs, en þar sem Stykkishólmsliðið hampaði báðum titlunum var liðið úr úrslitum bikarkeppninnar fengið til að etja kappi við Snæfell.

Nokkur haustbragur var á leik beggja liða framan af og þau voru lengi að finna taktinn. Fyrri hálfleikur var nokkuð jafn en Snæfell hafði þó heldur yfirhöndina og leiddi með fimm stigum í leikhléi, 37-32. Snemma í síðari hálfleik náði Snæfell að slíta sig frá Grindavíkurliðinu með góðum kafla þar sem liðið skoraði níu stig gegn tveimur. Liðið fann taktinn í sókninni og Grindvíkingar máttu hafa sig alla við að halda í við Snæfell. Lagði það grunn að góðum sigri, 70-60.

Leikurinn var fyrsti leikur Taylor Brown með Snæfelli og lék hún afar vel, skoraði 29 stig, tók sjö fráköst og gaf þrjár stoðsendingar. Næst henni kom fyrirliðinn Gunnhildur Gunnarsdóttir með 15 stig, sjö fráköst, sex stoðsendingar og fimm stolna bolta.

Með sigrinum bætti Snæfellsliðið enn einum bikarnum í safnið og ætti nafnbótin Meistarar meistaranna að gefa liðinu aukið sjálfstraust þegar haldið er inn í nýtt tímabil. Snæfell hefur leik í Domino‘s deildinni miðvikudaginn 5. október næstkomandi þegar liðið heimsækir nýliða Skallagríms.

Snæfell sigraði keppnina um Meistara meistaranna