medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Stangveiðifélag Borgarness er félagsskapur áhugamanna um stangveiði. Eftir áralangan dvala var félagið endurvakið fyrir tíu árum. Megintilgangurinn með endurvakningu félagsins var að gera það fjölskylduvænna og auka aðgengi að veiðistöðum þar sem fjölskyldur geta farið saman til veiða. Einnig að beina ungu fólki að stangveiðum og gæta hagsmuna Borgnesinga í sambandi við veiði í nágrenni Borgarness. Á árum áður var félagið með víðfrægar laxveiðiár á leigu; svo sem Miðfjarðará, Hofsá í Vopnafirði og Þverá í Borgarfirði en í seinni tíð hefur félagið minnkað við sig og í staðinn verið með ýmis vötn í sinni umsjón. Þau eru Langavatn á Mýrum, Hólmavatn/Lambá í Hvítársíðu og á síðustu misserum hið fallega Hlíðarvatn í Hnappadal þar sem hægt er að ná í bleikju og urriða. Félagið hefur einnig til ráðstöfunar fyrir félagsmenn hið víðfræga veiðisvæði Seleyrina, fyrir landi Hafnar II og Borgarbyggðar en um það var gerður samningur á fyrsta áratug þessarar aldar. Þar veiðist töluvert af sjóbirtingi ásamt einhverri bleikju, en veiðimönnum er uppálagt að sleppa allri ósærðri bleikju aftur sökum bágs ástands Hvítárbleikjunnar. Einnig hefur félagið veiðileyfi til sölu til félagsmanna í Hlíðarvatni í Hnappadal, þá í landi Hraunholta. Þar má svo finna huggulegan veiðikofa, sem ber nafnið Jónsbúð og hægt er að fá hann leigðan hjá félaginu.

Stangveiðifélag Borgarness heldur opin hús yfir vetrartímann sem jafnan eru nýtt til að hittast og hnýta flugur, horfa á veiðimyndir og jafnvel bara fá sér kaffi saman. Hefur félagið haft afnot af kaffistofu Límtrés-Vírnets. Fyrir utan opnu húsin hefur félagið haldið aðalfund á hverju vori þar sem nýir félagar eru teknir inn, áhugavert erindi tengt lónbúanum er flutt og bragðað á gómsætri súpu.

Stangveiðifélag Borgarness leggur áherslu á fjölskylduvænar veiðar